ರಾಜ್ಯ ಕ್ರಿಕೆಟ್‌ ಸಂಸ್ಥೆ ಗಳ ಚುನಾವಣೆ ಮುಂದಕ್ಕೆ:ಬಿಸಿಸಿಐ

ಮುಂಬಯಿ: ರಾಜ್ಯ ಕ್ರಿಕೆಟ್‌ ಸಂಸ್ಥೆಗಳ ಚುನಾವಣೆಯನ್ನು ಎರಡು ತಿಂಗಳ ಕಾಲ ಮುಂದೂಡಲು ಬಿಸಿಸಿಐ ಸೂಚಿಸಿದೆ.

ಬಿಸಿಸಿಐ ಮಾನ್ಯತೆ ಹೊಂದಿರುವ ಒಟ್ಟು 38 ರಾಜ್ಯ ಸಂಸ್ಥೆಗಳ ಪೈಕಿ 25ಕ್ಕೂ ಅಧಿಕ ಸಂಸ್ಥೆಗಳು ಮುಂದಿನ ಸೆಪ್ಟೆಂಬರ್‌ನಲ್ಲಿ ಚುನಾವಣೆ ನಡೆಸಬೇಕಿತ್ತು. ಆದರೆ ಬಿಸಿಸಿಐ ಸೂಚನೆಯ ಕಾರಣ ಚುನಾವಣೆ ಮುಂದೂಡಿಕೆಯಾಗಿದೆ.

ತನ್ನ ಪದಾಧಿಕಾರಿಗಳಿಗೆ ಕಡ್ಡಾಯ ವಿಶ್ರಾಂತಿ ನಿಯಮವನ್ನು ಬದಲಾಯಿಸಿ ಎಂದು ಬಿಸಿಸಿಐ ಸರ್ವೋಚ್ಚ ನ್ಯಾಯಾಲಯದಲ್ಲಿ ಅರ್ಜಿ ಸಲ್ಲಿಸಿದೆ. ಈ ಕುರಿತ ತೀರ್ಪು ನವೆಂಬರ್‌ನೊಳಗೆ ಬರುವ ಸಾಧ್ಯತೆಯಿದೆ.