Election 2023: ಮದುವೆಯ ಕರೆಯೋಲೆಯಲ್ಲೂ ಮತ ಜಾಗೃತಿ !

ಕುಷ್ಟಗಿ: ತಾಲೂಕಿನ ಕಡೇಕೊಪ್ಪದ ಜೀಗೇರಿ ಕುಟುಂಬದ ಮದುವೆಯ ಕರೆಯೋಲೆಯಲ್ಲೂ ಈಗಿನ ವಿಧಾನಸಭೆ ಚುನಾವಣೆಯ ಮತದಾರರ ಜಾಗೃತಿ ಕಾರ್ಯ ಬಿಂಬಿತವಾಗಿದೆ.

ಮೇ 7ರಂದು ಕುಷ್ಟಗಿ ಪಿಸಿಎಚ್ ಮಂಗಲ ಭವನದಲ್ಲಿ ಕಡೇಕೊಪ್ಪ ಗ್ರಾಮದ ವೀರಪ್ಪ ಜೀಗೇರಿ ಅವರ ಪುತ್ರರಾದ ನಿಂಗಪ್ಪ ಹಾಗೂ ರಾಚಪ್ಪ ಸಹೋದರರ ಜೊತೆಯಲ್ಲಿ ರೇಖಾ ಹಾಗೂ ನಿವೇದಿತಾ ಮದುವೆ ನಿಗದಿಯಾಗಿದೆ. ಈ ಮದುವೆ ಕಾರ್ಯಕ್ರಮದಲ್ಲಿ ಮತದಾನ ಜಾಗೃತಿ ಮೂಡಿಸಬೇಕೆನ್ನುವುದು ಮದುವೆಯ ವರ ನಿಂಗಪ್ಪ ಜೀಗೇರಿ ಅಭಿಲಾಷೆ ಹಿನ್ನೆಲೆಯಲ್ಲಿ ಮದುವೆ ಆಮಂತ್ರಣದಲ್ಲಿ ಮತದಾನ ಜಾಗೃತಿ ಎಲ್ಲರೂ ತಪ್ಪದೇ ಮತದಾನ ಮಾಡಿ ಎನ್ನುವ ಸಾಲು ಗಮನಾರ್ಹ ಎನಿಸಿದೆ. ಮೇ 7 ರಂದು ಮದುವೆಯ ವೇದಿಕೆಯಲ್ಲೂ ಮದುವೆಗೆ ಆಗಮಿಸುವ ಆಗಮನಲಾಭಿಷಿಗಳಿಗೆ ಮತದಾರರ ಜಾಗೃತಿ ಮೂಡಿಸುವುದಾಗಿ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ಕರ್ನಾಟಕದಲ್ಲಿ ಚುನಾವಣಾ ಪ್ರಚಾರ ನಡೆಸಲಿದ್ದಾರೆ ಮಾಜಿ ಕ್ರಿಕೆಟಿಗ ಹರ್ಭಜನ್ ಸಿಂಗ್