ಐಫೆಲ್‌ ಟವರನ್ನೇ ಗುಜರಿಗೆ ಮಾರಿದ ಭೂಪ!

ಪ್ಯಾರಿಸ್‌: ಪ್ಯಾರಿಸ್‌ನಲ್ಲೊಬ್ಬ ಖದೀಮ ಆ ಬೃಹತ್‌ ನಗರದ ಕಣ್ಮಣಿಯಾಗಿರುವ ಹಾಗೂ ವಿಶ್ವದ 8 ಅದ್ಭುತಗಳಲ್ಲೊಂದಾದ ಐಫೆಲ್‌ ಟವರ್‌ ಅನ್ನು ಎರಡು ಗುಜರಿ ಡೀಲಿಂಗ್‌ ಕಂಪೆನಿಗಳಿಗೆ ಪ್ರತ್ಯೇಕವಾಗಿ ಮಾರಿರುವ ಪ್ರಕರಣ ಬೆಳಕಿಗೆ ಬಂದಿದೆ. ಆತನ ಹೆಸರು ರಾಬರ್ಟ್‌ ವಿ. ಮಿಲ್ಲರ್‌.

ಆಸ್ಟ್ರೇಲಿಯಾ-ಹಂಗೇರಿ ಮೂಲದವನು. ಚಿಕ್ಕಂದಿ ನಿಂದಲೇ ಅಡ್ಡ ಮಾರ್ಗಗಳಿಂದ ದುಡ್ಡು ಮಾಡುವುದನ್ನೇ ಕಸುಬಾಗಿಸಿ ಕೊಂಡ ಈತ ಇತ್ತೀಚೆಗೆ, ಪತ್ರಿಕೆಯೊಂದರಲ್ಲಿ ಐಫೆಲ್‌ ಟವರ್‌ನ ಬಗ್ಗೆ ಲೇಖನ ವೊಂದನ್ನು ಓದಿದ್ದನಂತೆ. ಅದು, ಸಂಪೂರ್ಣ ಕಚ್ಚಾ ಕಬ್ಬಿಣ ದಿಂದ ನಿರ್ಮಿಸಲಾಗಿರುವ ಐಫೆಲ್‌ ಟವರ್‌ನ ಪುನರ್‌ ನವೀಕರಣದ ಬಗ್ಗೆ ಬರೆದಿದ್ದ ಲೇಖನ.

ಅದನ್ನೋದಿದ ಕೂಡಲೇ ತನ್ನ ದುಬುìದ್ಧಿ ಓಡಿಸಿದ ಆತ, ತನ್ನನ್ನು ತಾನು ಸರಕಾರಿ ಅಧಿಕಾರಿಯೆಂದು ಬಿಂಬಿಸಿ, ಪ್ಯಾರಿಸ್‌ನ ಐದು ಪ್ರಖ್ಯಾತ ಕಬ್ಬಿಣದ ಗುಜರಿ ಕಂಪೆನಿಗಳನ್ನು ಸಂಪರ್ಕಿಸಿದ್ದಾನೆ. ಅವುಗಳಲ್ಲಿ ತನ್ನ ಬಲೆಗೆ ಬಿದ್ದ ಎರಡು ಕಂಪೆನಿಗಳಿಗೆ ಪ್ರತ್ಯೇಕ ಡೀಲ್‌ ಕುದುರಿಸಿ ಟವರ್‌ ಮಾರಾಟ ಮಾಡಿದ್ದಲ್ಲದೆ, ಅಂದಾಜು 1.50 ಲಕ್ಷ ಡಾಲರ್‌ (ಅಂದಾಜು 1.18 ಕೋಟಿ ರೂ.) ಬಾಚಿದ್ದಾನೆ!