Advertisement

2,262 ಕೋಟಿ ರೂ.ಫೆಮಾ ಉಲ್ಲಂಘನೆ:ವಾಸನ್‌ ಹೆಲ್ತ್‌ಕೇರ್‌ಗೆ ED ನೊಟೀಸ್

03:43 PM Apr 17, 2017 | udayavani editorial |

ಹೊಸದಿಲ್ಲಿ : ವಿದೇಶ ವಿನಿಮಯ ನಿರ್ವಹಣ ಕಾಯಿದೆ (ಫೆಮಾ) ಉಲ್ಲಂಘನೆ ಗೈದು ಸರಕಾರಕ್ಕೆ  2,262 ಕೋಟಿ ರೂ. ವಂಚಿಸಿರುವ ಆರೋಪದ ಮೇಲೆ ಪ್ರಖ್ಯಾತ ವಾಸನ್‌ ಹೆಲ್ತ್‌ಕೇರ್‌ ಪ್ರೈವೇಟ್‌ ಲಿಮಿಟೆಡ್‌ ಸಂಸ್ಥೆಗೆ ಜಾರಿ ನಿರ್ದೇಶನಾಲಯ (ಇಡಿ) ನೊಟೀಸ್‌ ಜಾರಿ ಮಾಡಿದೆ.

Advertisement

ವಾಸನ್‌ ಕಂಪೆನಿಯ ಶೇರುಗಳನ್ನು ಸಾಗರೋತ್ತರ ಹೂಡಿಕೆದಾರರಿಗೆ ಮಾರುವ ಮೂಲಕ ಫೆಮಾ ಉಲ್ಲಂಘನೆ ಮಾಡಿರುವ ಅಡ್ವಾಂಟೇಜ್‌ ಸ್ಟ್ರಾಟೆಜಿಕ್‌ ಕನ್ಸಲ್ಟಿಂಗ್‌ ಕಂಪೆನಿಗೂ ಜಾರಿ ನಿರ್ದೇಶನಾಲಯ ನೊಟೀಸ್‌ ಜಾರಿ ಮಾಡಿದೆ. 

ಮಾಜಿ ಕೇಂದ್ರ ವಿತ್ತ ಸಚಿವ ಪಿ ಚಿದಂಬರಂ ಅವರೊಂದಿಗ ವಾಸನ್‌ ಹಾಗೂ ಅಡ್ವಾಂಟೇಜ್‌ ಕಂಪೆನಿಗೆ ನಂಟು ಇದೆ ಎನ್ನಲಾಗಿದೆ; ಆದರೆ ಚಿದಂಬರಂ ಈ ಆರೋಪವನ್ನು ಅಲ್ಲಗಳೆಯುತ್ತಾ ಬಂದಿದ್ದಾರೆ. 

ವಾಸನ್‌ ಐ ಕೇರ್‌ ಮತ್ತು ಅಡ್ವಾಂಟೇಜ್‌ ಕಂಪೆನಿ ನಡುವೆ 200 ಕೋಟಿ ರೂ.ಗಳಿಗೂ ಅಧಿಕ ಮೊತ್ತ ಅವ್ಯವಹಾರ ನಡೆದಿರುವುದನ್ನು ಇಡಿ ಪತ್ತೆ ಹಚ್ಚಿದೆ. ಕಾರ್ತಿ ಚಿದಂಬರಂ ಅವರು ತಮ್ಮ ಆಸ್‌ಬ್ರಿಜ್‌ ಹೋಲ್ಡಿಂಗ್ಸ್‌ ಸಂಸ್ಥೆಯ ಮೂಲಕ ಅಡ್ವಾಂಟೇಜ್‌ ಕಂಪೆನಿಯ ಮೇಲೆ ನಿಯಂತ್ರಣ ಹೊಂದಿರುವುದಾಗಿ ಆಳುವ ಬಿಜೆಪಿ ಈ ಹಿಂದೆಯೇ ಆರೋಪಿಸಿತ್ತು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next