ಪಂಜಾಬ್‌ ಸರಕಾರಿ ನೌಕರರಿಗೆ, ಪಿಂಚಣಿದಾರರಿಗೆ ಶೇ.5 ಇಂಟೆರಿಮ್‌ ರಿಲೀಫ್

ಚಂಡೀಗಢ : ಪಂಜಾಬ್‌ ಸರಕಾರಿ ನೌಕರರಿಗೆ ಮತ್ತು ಪಿಂಚಣಿದಾರರಿಗೆ ಶೇ. 5 ಮಧ್ಯಾವಧಿ ಪರಿಹಾರ (interim relief )ನೀಡುವುದಕ್ಕೆ ಚುನಾವಣಾ ಆಯೋಗವು ಸಮ್ಮತಿಸಿದೆ.

ಚುನಾವಣೆಯ ನಿಮಿತ್ತವಾಗಿ ರಾಜ್ಯದಲ್ಲೀಗ ನೀತಿ ಸಂಹಿತೆ ಜಾರಿಯಲ್ಲಿರುವುದರಿಂದ ತನ್ನ ನೌಕರರಿಗೆ ಹಾಗೂ ಪಿಂಚಣಿದಾರರಿಗೆ ಶೇ.5ರ ಮಧ್ಯಾವಧಿ ಪರಿಹಾರ ನೀಡಲು ಅನುಮತಿ ನೀಡಬೇಕೆಂದು ಪಂಜಾಬ್‌ ಸರಕಾರ ಚುನಾವಣಾ ಆಯೋಗವನ್ನು ಕೋರಿತ್ತು. 

ಈ ಪ್ರಸ್ತಾವಕ್ಕೆ ಅನುಮೋದನೆ ನೀಡುವ ಪತ್ರವನ್ನು ರಾಜ್ಯ ಸರಕಾರದ ಹಣಕಾಸು ಇಲಾಖೆಯ ಖರ್ಚು ವೆಚ್ಚ ವಿಭಾಗದ ಕಾರ್ಯದರ್ಶಿಗೆ ಕಳುಹಿಸಲಾಗಿದೆ ಎಂದು ಆಯೋಗದ ವಕ್ತಾರ ತಿಳಿಸಿದ್ದಾರೆ.