ಇ-ಸ್ಟ್ಯಾಂಪಿಂಗ್ ಕೇಂದ್ರ ಉದ್ಘಾಟನೆ

ಮಂಡ್ಯ: ವಕೀಲರ ವಿವಿಧೋದ್ದೇಶ ಸಹಕಾರ ಸಂಘದ ವತಿಯಿಂದ ಇ-ಸ್ಟಾಂಪಿಂಗ್‌ ಮಾರಾಟ ಕೇಂದ್ರವನ್ನು ಸಂಘದ ಅಧ್ಯಕ್ಷ ಎಂ.ಬಿ.ಬಸವರಾಜು ಉದ್ಘಾಟಿಸಿದರು.

ನಂತರ ಮಾತನಾಡಿದ ಅವರು, ನ್ಯಾಯಾಲಯ ಸಂಕೀರ್ಣದಲ್ಲಿ ಇ-ಸ್ಟಾಂಪಿಂಗ್‌ ವ್ಯವಸ್ಥೆ ಇಲ್ಲದ ಕಾರಣ ವಕೀಲರು ಮತ್ತು ಸಾರ್ವಜನಿಕರಿಗೆ ತುಂಬಾ ಸಮಸ್ಯೆಯಾಗುತ್ತಿತ್ತು. ಇದನ್ನು ಮನಗಂಡು ನಮ್ಮ ಸಂಘದ ವತಿಯಿಂದ ಇ-ಸ್ಟಾಂಪಿಂಗ್‌ ಮಾರಾಟ ಕೇಂದ್ರ ಸ್ಥಾಪಿಸಿ ಎಲ್ಲರಿಗೂ ಅನುಕೂಲ ಕಲ್ಪಿಸಲಾಗಿದೆ ಎಂದರು.

ಇದು ವಕೀಲರಿಗೂ ಸಾರ್ವಜನಿಕರಿಗೂ ತುಂಬಾ ಅನುಕೂಲವಾಗುತ್ತದೆ. ಸಾರ್ವಜನಿಕರು ಮತ್ತು ವಕೀಲರು ಇದನ್ನು ಸದ್ಬಳಕೆ ಮಾಡಿಕೊಳ್ಳಬೇಕು ಎಂದು ತಿಳಿಸಿದರು.

ಜಿಲ್ಲಾ ವಕೀಲರ ಸಂಘ, ಹೊಂಬೇಗೌಡ ಮೆಮರಿಯಲ್‌ ರಿಕ್ರಿಯೇಷನ್‌ ಕ್ಲಬ್‌ ಸಹಕಾರದಿಂದ ಇ-ಸ್ಟಾಂಪಿಂಗ್‌ ಮಾರಾಟ ಕೇಂದ್ರ ಪ್ರಾರಂಭಿಸಲಾಗಿದೆ ಎಂದು ಹೇಳಿದರು. ಸಂಘದ ಉಪಾ ಧ್ಯಕ್ಷ ಜೆ.ಎಸ್‌.ರಾಜೀವ, ಕಾರ್ಯನಿರ್ವಹಣಾಧಿಕಾರಿ ಮಂಗಳಗೌರಿ, ನಿರ್ದೇಶಕರಾದ ಬಿ.ವಿ.ತಿರುಮಲಸ್ವಾಮಿ, ಜಿ.ಗಿರೀಗೌಡ, ಕೆಂಪೇಗೌಡ, ಎಸ್‌. ಬೃಂದಾ, ಚಂದ್ರಕಲಾ, ಎಸ್‌.ಶಂಕರಪ್ಪ, ಜಿ.ಕೆ.ಶಿವಕುಮಾರ್‌, ಆರ್‌. ರೇಣುಕಾರಾಧ್ಯ, ಕೆ.ಬಿ.ಸೋಮಶೇಖರ್‌, ಕಾಂತರಾಜು, ಪಿ.ವಿ.ವಿನಯ್‌ ಇದ್ದರು