ಅನುಮತಿಯಿಲ್ಲದೆ ಜೀವನ ಚರಿತ್ರೆ ಸಾಧ್ಯವಿಲ್ಲ: ದ್ಯುತಿ

ಹೊಸದಿಲ್ಲಿ: ತನ್ನ ಜೀವನ ಚರಿತ್ರೆಯ ಪುಸ್ತಕವನ್ನು ಹೊರತರಲು ಅನೇಕ ಲೇಖಕರು ಸಂಪರ್ಕಿಸುತ್ತಿರುವುದಾಗಿ
ತಿಳಿಸಿರುವ ಖ್ಯಾತ ಓಟಗಾರ್ತಿ ದ್ಯುತಿ ಚಾಂದ್‌, ತಾನು ಅನುಮತಿ ನೀಡಿದರಷ್ಟೇ ಜೀವನ ಚರಿತ್ರೆ ಬರೆಯಬೇಕೆಂದು ತಾಕೀತು ಮಾಡಿದ್ದಾರೆ.

ಈ ಹಿಂದೆ, ಭಾರತೀಯ ಹಾಕಿಯ ದಂತಕತೆ ಧನರಾಜ್‌ ಪಿಳ್ಳೆ„ ಅವರ ಜೀವನ ಚರಿತ್ರೆ ದಾಖಲಿಸಿರುವ ಪತ್ರಕರ್ತ-ಬರಹಗಾರ-ಸಿನಿಮಾ ನಿರ್ದೇಶಕ ಸಂದೀಪ್‌ ಮಿಶ್ರಾ ಅವರು ಇತ್ತೀಚೆಗೆ ದ್ಯುತಿ ಜೀವನಗಾಥೆಯನ್ನು ಪುಸ್ತಕವಾಗಿ ಹೊರತರುವ ಬಗ್ಗೆ ಮಾತುಕತೆ ನಡೆಸುತ್ತಿದ್ದಾರೆಂಬ ವದಂತಿಗಳು ಹರಡಿದ್ದವು. ಈ ಹಿನ್ನೆಲೆಯಲ್ಲಿ ಪ್ರತಿಕ್ರಿಯಿಸಿರುವ ದ್ಯುತಿ ಚಾಂದ್‌, ನನ್ನ ಕತೆ ನನ್ನ ಕೈಯ್ಯಲ್ಲೇ ಇದೆ. ಅದನ್ನು ಯಾರು ಬರೆಯಬೇಕು ಎಂಬುದನ್ನು ನಾನೇ ನಿರ್ಧರಿಸುತ್ತೇನೆ ಎನ್ನುವ ಮೂಲಕ ವದಂತಿಗಳಿಗೆ ತೆರೆ ಎಳೆಯಲು ಪ್ರಯತ್ನಿಸಿದ್ದಾರೆ.