ದುಬೈ: ಉದ್ಯೋಗ ರಕ್ಷಿಸಲು ಫ್ರೀ ಝೋನ್‌ ವ್ಯವಸ್ಥೆ

ಕೋವಿಡ್ 19 ವೈರಸ್ ಲಾಕ್‌ಡೌನ್‌ನಿಂದಾಗಿ ತನ್ನ ದೇಶದಲ್ಲಿ ಉದ್ಯೋಗ ನಷ್ಟವಾಗುವುದನ್ನು ತಡೆಯಲು ದುಬೈ ಸರಕಾರ ಕೆಲವಾರು ಕ್ರಮಗಳನ್ನು ಕೈಗೊಂಡಿದೆ. ಇದಕ್ಕಾಗಿ ತಾನು ಹಿಂದೆಯೇ ಆರಂಭಿಸಿದ್ದ ‘ಫ್ರೀ ಝೋನ್‌’ ಹೆಸರಿನ ಯೋಜನೆಯ ಮೊರೆ ಹೋಗಿದೆ.

ಇದನ್ನು ದುಬೈನ ಫ್ರೀ ಝೋನ್‌ ಕೌನ್ಸಿಲ್‌ ಎಂಬ ಸರ್ಕಾರಿ ಸಂಸ್ಥೆ ನಿರ್ವಹಿಸುತ್ತದೆ. ‘ಈ ಫ್ರೀ ಝೋನ್‌ನ ವ್ಯಾಪ್ತಿಯಲ್ಲಿ ಕೆಲವಾರು ಕಂಪನಿಗಳು ಇರುತ್ತವೆ. ದೇಶ ಆರ್ಥಿಕ ಸಂಕಷ್ಟಕ್ಕೆ ಸಿಲುಕಿದಾಗ ಕೆಲವು ಕಂಪನಿಗಳಲ್ಲಿ ಕೆಲಸವೇ ಇಲ್ಲದಿದ್ದರೂ, ಕೆಲವು ಕಂಪನಿಗಳಿಗೆ ಹೇರಳ ಕೆಲಸಗಳು ಇರುವಂಥ ಸಂದರ್ಭ ಇರುತ್ತದೆ.

ಆಗ, ಕೆಲಸ ಇಲ್ಲದ ಕಂಪನಿಯ ಉದ್ಯೋಗಿಗಳು ಕೆಲಸ ಹೇರಳವಾಗಿರುವ ಕಂಪನಿಗಳಿಗೆ ವಲಸೆ ಹೋಗಿ ಕೆಲಸ ಮಾಡಿ ಹಣ ಎಣಿಸುತ್ತಾರೆ. ಅದರಿಂದ ಯಾವುದೇ ಕಂಪನಿಯ ನೌಕರರು ಕೆಲಸ ಕಳೆದುಕೊಳ್ಳುವ ಭೀತಿ ಇರುವುದಿಲ್ಲ’ ಎಂದು ಫ್ರೀ ಝೋನ್‌ ಕೌನ್ಸಿಲ್‌ ಹೇಳಿದೆ.