ಕುಡುಕ ಚಾಲಕನ ಪತ್ತೆ ಹಚ್ಚುವ ಕಾರು!

ವಾಷಿಂಗ್ಟನ್‌: ನಿಮಗೆ ಕುಡಿಯುವ ಅಭ್ಯಾಸವಿದೆಯೇ? ಹಾಗಿದ್ದಾಗ, ನೀವು ಕುಡಿದು ಕಾರು ಹತ್ತಿದರೆ… ಆ ಕಾರು ಚಾಲೂ ಆಗುವುದೇ ಇಲ್ಲ! ಅಷ್ಟೇ ಏಕೆ, ಮಕ್ಕಳನ್ನು ಕಾರಿನಲ್ಲೇ ಬಿಟ್ಟು ನೀವು ಆಚೆ ಅಡ್ಡಾಡುವವರಾಗಿದ್ದರೆ ಅದೂ ಸಹ ಇನ್ನು ಸಾಧ್ಯವಿಲ್ಲ!

ಅಮೆರಿಕ ಸರ್ಕಾರ ಹೊಸದಾಗಿ ಸಿದ್ಧಪಡಿಸುತ್ತಿರುವ ಆಟೋಮೊಬೈಲ್‌ ಮೂಲಸೌಕರ್ಯ ವಿಧೇಯಕದಲ್ಲಿ ಈ ಅಂಶಗಳನ್ನು ಹೊಸದಾಗಿ ಸೇರಿಸಲಾಗಿದೆ.

2,702 ಪುಟಗಳಿರುವ ಈ ವಿಧೇಯಕದಲ್ಲಿ ಹೊಸದಾಗಿ ಉತ್ಪಾದನೆಗೊಳ್ಳುವ ಕಾರುಗಳಲ್ಲಿ ತುರ್ತು ಬ್ರೇಕ್‌ ವ್ಯವಸ್ಥೆ, ಕ್ರಾಶ್‌ ನಿವಾರಣಾ ವ್ಯವಸ್ಥೆ ಇರಬೇಕು ಎಂಬ ಅಂಶವನ್ನೂ ಉಲ್ಲೇಖೀಸಲಾಗಿದೆ. ಇನ್ನು, ಮಧ್ಯಮ ಗಾತ್ರದ ಟ್ರಕ್‌ಗಳಿಗೆ ರಿಯರ್‌ ಗಾರ್ಡ್ಸ್ ವ್ಯವಸ್ಥೆ ಅಳವಡಿಸುವ ಅಂಶವನ್ನು ಅಳವಡಿಸಲಾಗಿದೆ.