ಡ್ರಗ್‌ ಮಾಫಿಯಾ ಕೈವಾಡ

ಕೊಲಂಬೊ: ಶ್ರೀಲಂಕಾದ ಈಸ್ಟರ್‌ ಸರಣಿ ಬಾಂಬ್‌ ಸ್ಫೋಟಗಳನ್ನು ಅಂತಾರಾಷ್ಟ್ರೀಯ ಮಾದಕವಸ್ತು ಗುಂಪೊಂದು ನಡೆಸಿದೆ ಎಂದು ಶ್ರೀಲಂಕಾ ಅಧ್ಯಕ್ಷ ಮೈತಿಪಾಲ ಸಿರಿಸೇನಾ ಹೇಳಿದ್ದಾರೆ.

ಲಂಕಾದೆಲ್ಲೆಡೆ ಮಾದಕ ವಸ್ತು ಜಾಲದ ವಿರುದ್ಧ ಕಾರ್ಯಾಚರಣೆಗಳು ನಡೆಯುತ್ತಿರುವ ಈ ಸಂದರ್ಭದಲ್ಲೇ ಅಧ್ಯಕ್ಷರು ಈ ಹೊಸ ಹೇಳಿಕೆ ನೀಡಿದ್ದಾರೆ. ಈ ಹಿಂದೆ, ಲಂಕಾದ ಎನ್‌ಟಿಜೆ ಸಂಘಟನೆ ಸರಣಿ ಸ್ಫೋಟ ನಡೆಸಿದ್ದಾಗಿ ಸರಕಾರ ತಿಳಿಸಿತ್ತು. ಐಸಿಸ್‌ ಕೂಡ ಘಟನೆಯ ಹೊಣೆ ಹೊತ್ತಿತ್ತು. ಆದರೀಗ, “ತಮ್ಮ ಹೆಸರಿಗೆ ಮಸಿ ಬಳಿಯಲು, ಡ್ರಗ್ಸ್‌ ವಿರುದ್ಧ ತಮ್ಮ ಸರಕಾರ ನಡೆಸುತ್ತಿರುವ ಕಾರ್ಯಾಚರಣೆಗಳಿಗೆ ಹಿನ್ನಡೆ ತರಲು ಡ್ರಗ್ಸ್‌ ಮಾಫಿಯಾ ಸರಣಿ ಸ್ಫೋಟಗಳನ್ನು ನಡೆಸಿತ್ತು’ ಎಂದು ಅಧ್ಯಕ್ಷರು ಹೇಳಿರುವುದು ಅಚ್ಚರಿ ತಂದಿದೆ.