ಟಗರು ಮೇಕಿಂಗ್‌ ವಿಡಿಯೋಗೆ ಚಾಲನೆ

ಡಾ. ರಾಜಕುಮಾರ್‌ ಅವರ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ “ಟಗರು’ ಚಿತ್ರದ ಮೇಕಿಂಗ್‌ ವಿಡಿಯೋವನ್ನು ಬಿಡುಗಡೆ ಮಾಡಿದ್ದು ವಿಶೇಷವಾಗಿತ್ತು. ಪುನೀತ್‌ರಾಜ್‌ಕುಮಾರ್‌ ಅವರು ಮೇಕಿಂಗ್‌ ವಿಡಿಯೋಗೆ ಚಾಲನೆ ಕೊಟ್ಟರು.

ನಿರ್ದೇಶಕ ಸೂರಿ, ನಿರ್ಮಾಪಕ ಕೆ.ಪಿ. ಶ್ರೀಕಾಂತ್‌ ಮತ್ತು ಚಿತ್ರತಂಡ ಈ ಕಾರ್ಯಕ್ರಮಕ್ಕೆ ಸಾಕ್ಷಿಯಾಯಿತು. ಸ್ಮಾರಕ ಸಮೀಪವೇ “ಟಗರು’ ಮೇಕಿಂಗ್‌ ವಿಡೀಯೋ ಬಿಡುಗಡೆ ಮಾಡಿದ್ದಕ್ಕೆ ಚಿತ್ರತಂಡ ಖುಷಿಯಾಗಿತ್ತು. ಇನ್ನು, ಇದೇ ಸಂದರ್ಭದಲ್ಲಿ ಗೋ ಸೇನೆಗೂ ಚಾಲನೆ ಕೊಡಲಾಯಿತು.

ಶಿವರಾಜ್‌ಕುಮಾರ್‌ ಅಭಿಮಾನಿಗಳು, “ಗೋ ಸೇನೆ’ ಸಂಘ ಹುಟ್ಟುಹಾಕಿದ್ದು, ರಾಜ್‌ಕುಮಾರ್‌ ಹುಟ್ಟುಹಬ್ಬದಂದೇ 10 ಲೋಡ್‌ನ‌ಷ್ಟು ಮೇವನ್ನು ಚಾಮರಾಜನಗರ ಜಿಲ್ಲೆಗೆ ಕಳುಹಿಸುವ ಕೆಲಸಕ್ಕೆ ಚಾಲನೆ ಕೊಟ್ಟಿತು. ಶಿವರಾಜ್‌ಕುಮಾರ್‌ ಅವರು, ಹಸು, ಕರುವಿಗೆ ಹುಲ್ಲು ತಿನ್ನಿಸುವುದರ ಮೂಲಕ ಅಭಿಮಾನಿಗಳು ಆರಂಭಿಸಿದ “ಗೋ ಸೇನೆ’ಗೆ ಚಾಲನೆ ಕೊಟ್ಟರು.