‌ಇಂದಿನಿಂದ ರಾಜ್ಯದಲ್ಲಿ ಕುಡಿಯುವ ನೀರಿನ ಬಿಲ್ “0”ಆಗಿರಲಿದೆ!

ಪಣಜಿ: ದೇಶದಲ್ಲಿ ಜನತೆಗೆ ಉಚಿತ ಕುಡಿಯುವ ನೀರು ಪೂರೈಸುವ ಮೊದಲ ರಾಜ್ಯ ಗೋವಾ ರಾಜ್ಯವಾಗಿದೆ. ರಾಜ್ಯದಲ್ಲಿನ 1,80,000 ಮನೆಗಳಿಗೆ ಇಂದಿನಿಂದ (ಸಪ್ಟೆಂಬರ್ 1) ಪ್ರತಿ ತಿಂಗಳು 16,000 ಲೀಟರ್ ಉಚಿತ ಕುಡಿಯುವ ನೀರು ಲಭಿಸಲಿದೆ ಎಂದು ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ಘೋಷಿಸಿದ್ದಾರೆ.

ಇದನ್ನೂ ಓದಿ:ಬಹುಬೇಡಿಕೆಯ ಔಷಧೀಯ ಗುಣದ ‘ಅಮೃತ ಬಳ್ಳಿ’ ಸಂಜೀವಿನಿಗೆ ಸಮನಾದ ವನಸ್ಪತಿ

ಪಣಜಿಯಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು- ಇಂದಿನಿಂದ ರಾಜ್ಯದಲ್ಲಿ ಜನರು ಬಳಕೆ ಮಾಡುವ ಕುಡಿಯುವ ನೀರಿನ ಬಿಲ್ “0” ಆಗಿರಲಿದೆ. ಇಷ್ಟೇ ಅಲ್ಲದೆಯೇ ಈ ಹಿಂದಿನ ಬಾಕಿ ಇರುವ ಕುಡಿಯುವ ನೀರಿನ ಬಿಲ್ ತುಂಬಲು ಇನ್ನೂ ಎರಡು ತಿಂಗಳ ಕಾಲಾವಕಾಶ ನೀಡಲಾಗಿದೆ. ರಾಜ್ಯದ ಪ್ರತಿಯೊಂದು ಮನೆಗೂ ಕೂಡ ಕುಡಿಯುವ ನೀರಿನ ಪೈಪ್ ಜೋಡಣೆ ಇದು ರಾಜ್ಯ ಸರ್ಕಾರದ ಪ್ರಯತ್ನವಾಗಿದೆ. ಇದಕ್ಕೆ ಎಲ್ಲರೂ ಸಹಕಾರ ನೀಡಬೇಕು ಎಂದು ಮುಖ್ಯಮಂತ್ರಿ ಸಾವಂತ್ ಮನವಿ ಮಾಡಿದರು.