ಭಾರತ ಮೂಲದ ಶಾನಾ ಗಗನಕ್ಕೆ ಜಿಗಿಯುತ್ತಿಲ್ಲ!

ಮುಂಬೈ: ಭಾರತ ಈ ಸುದ್ದಿ ಕೇಳಿ ಇಪ್ಪತ್ನಾಲ್ಕು ಗಂಟೆ ಕಾಲ ಸಂಭ್ರಮಿಸಿತ್ತು! ಕಲ್ಪನಾ ಚಾವ್ಲಾ, ಸುನೀತಾ ವಿಲಿಯಮ್ಸ್‌ ನಂತರ ಭಾರತದ ಮೂಲದ ಡಾ. ಶಾನಾ ಬಾಹ್ಯಾಕಾಶಕ್ಕೆ ಜಿಗಿಯುತ್ತಾರೆಂಬ ಸುದ್ದಿ ಈಗ ಸತ್ಯಕ್ಕೇ ದೂರ. ಸ್ವತಃ ಡಾ. ಶಾನಾ ಪಾಂಡ್ಯ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದು, “ಪೊಸ್ಸುಮ್‌ ಯೋಜನೆಯಲ್ಲಿ ನಾನು ನಾಗರಿಕ ಬಾಹ್ಯಾಕಾಶ ವಿಜ್ಞಾನಿ ಅಷ್ಟೇ. ನಾಸಾ ತಂಡದೊಂದಿಗೆ ನಾನು ಬಾಹ್ಯಾಕಾಶ ಯಾನ ನಡೆಸುತ್ತಿಲ್ಲ’ ಎಂದಿದ್ದಾರೆ.

ಈ ಬಗ್ಗೆ ಫೇಸ್‌ಬುಕ್‌ನಲ್ಲಿ ಸ್ಪಷ್ಟನೆ ನೀಡಿರುವ ಡಾ. ಶಾನಾ, “ಕೆನಡಿಯನ್‌ ಬಾಹ್ಯಾಕಾಶ ಏಜೆನ್ಸಿ ಸಿದ್ಧಮಾಡುವ ಗಗನಯಾತ್ರಿಗಳ ಪಟ್ಟಿ ಇನ್ನೂ ಅಂತಿಮಗೊಂಡಿಲ್ಲ.  ನಾಸಾದಲ್ಲಿ ಹಿಂದೆ ಇಂಟರ್ನ್ಶಿಪ್‌ ಮಾಡಿದ್ದೆನಷ್ಟೇ. ಅಲ್ಲದೆ, ನರರೋಗಚಿಕಿತ್ಸಾ ತಜ್ಞೆಯೂ ನಾನಲ್ಲ’ ಎಂದಿದ್ದಾರೆ.