‘ವರದಕ್ಷಿಣೆ ಕಾನೂನು ಪುರುಷರ ದೌರ್ಜನ್ಯಕ್ಕೆ ಬಳಕೆ’

ಹೊಸದಿಲ್ಲಿ: ವರದಕ್ಷಿಣೆ ಕಾನೂನು ಪುರುಷರ ದೌರ್ಜನ್ಯಕ್ಕೆ ಬಳಸುವ ಸಾಧನವಾಗಿದ್ದು, ಇದು ‘ಕಾನೂನಾತ್ಮಕ ಭಯೋತ್ಪಾದನೆ’ ಆಗಿದೆ. ಹಾಗಾಗಿ ಈ ಕಾನೂನಿಗೆ ತಿದ್ದುಪಡಿ ತರಬೇಕಾದ ಅಗತ್ಯವಿದೆ ಎಂದು ಲೋಕಸಭೆ ಯಲ್ಲಿ ಬಿಜೆಪಿ ಸಂಸದ ಅರ್ನೋಲ್‌ ವರ್ಮಾ ಆಗ್ರಹಿಸಿದ್ದಾರೆ. ಶೂನ್ಯ ವೇಳೆಯಲ್ಲಿ ಮಾತನಾಡಿದ ಅವರು, 1998- 2015ರ ಅವಧಿಯಲ್ಲಿ ವರದಕ್ಷಿಣೆ ಪ್ರಕರಣದಲ್ಲಿ ಸುಮಾರು 27 ಲಕ್ಷ ಮಂದಿ ಬಂಧಿಸಲ್ಪಟ್ಟಿದ್ದಾರೆ. ಎಷ್ಟೋ ಪುರುಷರು ಆತ್ಮಹತ್ಯೆ ಮಾಡಿಕೊಂಡು ‘ಶಾದಿ ಕಿ ಶಹೀದ್‌'(ವಿವಾಹದ ಹುತಾತ್ಮರು) ಆಗಿದ್ದಾರೆ. ಮಹಿಳೆಯರ ಪರ ಎನ್ನುವುದು ಪುರುಷ ವಿರೋಧಿ ಎನ್ನುವಂತಾಗಬಾರದು. ಕಾನೂನಿನ ಲೋಪಗಳನ್ನು ಸರಿಪಡಿಸಬೇಕು ಎಂದು ಒತ್ತಾಯಿಸಿದ್ದಾರೆ.