ಹೈದರಾಬಾದ್: ಟಾಲಿವುಡ್ (Tollywood) ಸಿನಿಮಾರಂಗಕ್ಕೆ ಖ್ಯಾತ ಕ್ರಿಕೆಟರ್‌ ಒಬ್ಬರ ಪತ್ನಿ ನಾಯಕಿಯಾಗಿ ಕಾಲಿಡಲು ಸಿದ್ದರಾಗಿದ್ದಾರೆ.
ಟೀಮ್‌ ಇಂಡಿಯಾದ ಸ್ಟಾರ್‌ ಸ್ನಿನ್ನರ್‌, ಆರ್‌ ಸಿಬಿಯ ಮಾಜಿ ಆಟಗಾರ ಯಜುವೇಂದ್ರ ಚಹಾಲ್ (Yuzvendra Chahal) ಅವರ ಪತ್ನಿ ಧನಶ್ರೀ ವರ್ಮಾ ಅವರಿಗೆ ಸೋಶಿಯಲ್‌ ಮೀಡಿಯಾದಲ್ಲಿ ಅಪಾರ ಫಾಲೋವರ್ಸಗಳಿದ್ದಾರೆ.
ಧನಶ್ರೀ ಅವರು ಯೂಟ್ಯೂಬರ್‌ ಆಗಿದ್ದು, ಹಿಂದಿಯ ಜನಪ್ರಿಯ ಡ್ಯಾನ್ಸ್ ರಿಯಾಲಿಟಿ ಶೋ ‘ಝಲಕ್ ದಿಖ್ಲಾ ಜಾ ‘ಸೇರಿದಂತೆ ಹಲವು ಶೋಗಳಲ್ಲಿ ಡ್ಯಾನ್ಸ್ ಮೂಲಕ ಮಿಂಚಿದ್ದಾರೆ. ಅವರ ಡ್ಯಾನ್ಸ್ ಮೂವ್ಸ್‌ನಿಂದಲೇ ಇದೀಗ ಅವರಿಗೆ ಟಾಲಿವುಡ್ ಸಿನಿರಂಗದಿಂದ ಬಿಗ್‌ ಆಫರ್‌ ಬಂದಿದೆ.
ಶಶಿ ಕುಮಾರ್ ಮುತ್ತುಲೂರಿ ಎನ್ನುವವರು ನಿರ್ದೇಶನ ಮಾಡುತ್ತಿರುವ ʼಆಕಾಶಂ ಧಾಟಿ ವಸ್ತಾವʼ(Aakasam Dhaati Vasthaava) ಎನ್ನುವ ಸಿನಿಮಾಕ್ಕೆ ಧನಶ್ರೀ ಹೀರೋಯಿನ್ ಆಗಿ ಆಯ್ಕೆ ಆಗಿದ್ದಾರೆ ಎಂದು ವರದಿಯಾಗಿದೆ.
ಇದನ್ನೂ ಓದಿ: Re-Release: ಈ ವರ್ಷ ರೀ ರಿಲೀಸ್‌ ಆದ ಬಾಲಿವುಡ್‌ ಸಿನಿಮಾಗಳ ಬಾಕ್ಸ್‌ ಆಫೀಸ್‌ ಗಳಿಕೆ ಎಷ್ಟು?
ಈಗಾಗಲೇ ಚಿತ್ರೀಕರಣ ಆರಂಭಗೊಂಡಿರುವ ಈ ಸಿನಿಮಾದಲ್ಲಿ ನಾಯಕನಾಗಿ ಡ್ಯಾನ್ಸ್ ಮಾಸ್ಟರ್ ಯಶ್ ಅವರು ಕಾಣಿಸಿಕೊಳ್ಳಲಿದ್ದಾರೆ.
ಇದು ಡ್ಯಾನ್ಸ್ ಆಧಾರಿತ ಸಿನಿಮಾವಾಗಲಿದ್ದು, ಈ ಸಿನಿಮಾಕ್ಕೆ ಡ್ಯಾನ್ಸ್ ಹಿನ್ನೆಲೆವುಳ್ಳ ಕಲಾವಿದರ ಅಗತ್ಯವಿದೆ ಆ ಕಾರಣಕ್ಕಾಗಿ ಧನಶ್ರೀ ಅವರನ್ನು ಆಯ್ಕೆ ಮಾಡಿಕೊಳ್ಳಲಾಗಿದೆ ಎಂದು ವರದಿ ತಿಳಿಸಿದೆ.
ಧನಶ್ರೀ ಮಾತ್ರವಲ್ಲದೆ ನಟಿ ಕಾರ್ತಿಕಾ ಮುರಳೀಧರನ್ ಸಿನಿಮಾದ ಪ್ರಮುಖ ಪಾತ್ರವೊಂದರಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಖ್ಯಾತ ನಿರ್ಮಾಪಕ ದಿಲ್‌ ರಾಜು ಸಿನಿಮಾಕ್ಕೆ ಬಂಡವಾಳ ಹಾಕಲಿದ್ದಾರೆ.
