Advertisement
ಈ ಹಣವನ್ನು 2016ರಲ್ಲಿ ಟ್ರಂಪ್‌ ಅಧ್ಯಕ್ಷೀಯ ಚುನಾವಣೆಗೆ ಸ್ಪರ್ಧಿಸುವ ಕೆಲವೇ ವಾರಗಳ ಹಿಂದೆ ಸ್ಟಿಫಾನಿ ಕ್ಲಿಫೋರ್ಡ್‌ಗೆ ನೀಡಲಾಗಿತ್ತು. ಯಾವುದೇ ಕಾರಣಕ್ಕೂ ಹಿಂದಿನ ಸಂಬಂಧದ ಬಗ್ಗೆ ಬಾಯಿ ಬಿಡಬಾರದು ಎಂದು ತಾಕೀತು ಮಾಡಲಾಗಿತ್ತು ಎಂದು ಪತ್ರಿಕೆ ವರದಿ ಮಾಡಿದೆ. ಅಲ್ಲದೆ ಈ ಹಣವನ್ನು ಲಾಸ್‌ ಏಂಜಲೀಸ್‌ನ ಸಿಟಿ ನ್ಯಾಷನಲ್‌ ಬ್ಯಾಂಕ್‌ ಮೂಲಕ ತಲುಪಿಸಲಾಗಿತ್ತು.
ಟ್ರಂಪ್‌ ಮತ್ತು ಸ್ಟಿಫಾನಿ ಕ್ಲಿಪೋರ್ಡ್‌ 2006ರಲ್ಲಿ ನಾವಡದಲ್ಲಿನ ಲೇಕ್‌ ಟಾವೋನಲ್ಲಿ ನಡೆದ ಸೆಲೆಬ್ರಿಟಿ ಗಾಲ್ಫ್ ಟೂರ್ನಮೆಂಟ್‌ ವೇಳೆಯಲ್ಲಿ ಭೇಟಿಯಾಗಿದ್ದರು. ಈ ಸಂದರ್ಭದಲ್ಲಿ ಇವರಿಬ್ಬರ ಮಧ್ಯೆ ದೈಹಿಕ ಸಂಬಂಧವೇರ್ಪಟ್ಟಿತ್ತು. ಈಕೆಯನ್ನು ಒಂದು ರಾತ್ರಿ ಪಾರ್ಟಿಗಾಗಿ ಆಹ್ವಾನಿಸಲಾಗಿತ್ತು. ಅಷ್ಟೇ ಅಲ್ಲ, ಮಾರನೇ ದಿನ ಬೆಳಗ್ಗೆ ಟ್ರಂಪ್‌ ಅವರು, ತಾವು ಉಳಿದಿದ್ದ ಹೋಟೆಲ್‌ನ ಕಾರಿಡಾರ್‌ನಲ್ಲಿ ಒಳವಸ್ತ್ರದಲ್ಲಿಯೇ ಸ್ಟಿಫಾನಿ ಅವರನ್ನು ಓಡಾಡಿಸಿದ್ದರು ಎಂದೂ ವರದಿ ಮಾಡಲಾಗಿದೆ.
Related Articles
ಈ ಸುದ್ದಿ ಬಗ್ಗೆ ಸ್ಪಷ್ಟನೆ ನೀಡಿರುವ ಸ್ಟಿಫಾನಿ, ತನ್ನ ಮತ್ತು ಟ್ರಂಪ್‌ ನಡುವೆ ಯಾವುದೇ ಸಂಬಂಧವಿರಲಿಲ್ಲ. ಈಗ ಹರಿದಾಡುತ್ತಿರುವ ಸುದ್ದಿಗಳೆಲ್ಲವೂ ಸುಳ್ಳು. ಈ ಹಿಂದೆ ಕೆಲವೇ ಕೆಲವು ಬಾರಿ ಸಾರ್ವಜನಿಕ ವೇದಿಕೆಗಳಲ್ಲಿ ಅವರನ್ನು ಭೇಟಿಯಾಗಿದ್ದೇನೆ. ಅವರೊಬ್ಬ ಉತ್ತಮ ವ್ಯಕ್ತಿ ಎಂದು ಹೇಳಿದ್ದಾರೆ.
Advertisement