ಟ್ರಂಪ್‌ ವಿರುದ್ಧ ರಿಪಬ್ಲಿಕನ್‌ನ 6 ಸಂಸದರ ಮತ!

ವಾಷಿಂಗ್ಟನ್‌: ಕ್ಯಾಪಿಟಲ್‌ ದಾಂಧಲೆಗೆ ಕುಮ್ಮಕ್ಕು ನೀಡಿದ ಆರೋಪ ಎದುರಿಸುತ್ತಿರುವ ಅಮೆರಿಕ ಮಾಜಿ ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ವಿರುದ್ಧ ಸ್ವಪಕ್ಷದ ಸಂಸದರೇ ತಿರುಗಿಬಿದ್ದಿದ್ದಾರೆ.

ಅಮೆರಿಕ ಸಂಸತ್‌ನಲ್ಲಿ ಟ್ರಂಪ್‌ ವಿರುದ್ಧದ 2ನೇ ಸಲದ ವಾಗ್ಧಂಡನೆ ವಿಚಾರಣೆ ಪ್ರಕ್ರಿಯೆ ವೇಳೆ ರಿಪಬ್ಲಿಕನ್‌ ಪಕ್ಷದ 6 ಸಂಸದರು ಡೆಮಾಕ್ರಾಟಿಕ್‌ಗೆ ಬೆಂಬಲಿಸಿದ್ದಾರೆ. “ಟ್ರಂಪ್‌ ವಿರುದ್ಧದ ಸಂವಿಧಾನಾತ್ಮಕ ದೋಷಾರೋಪಣೆ ವಿಚಾರಣೆ ಪ್ರಕ್ರಿಯೆಯಲ್ಲಿ 56-44 ಮತಗಳು ಬಿದ್ದಿವೆ’ ಎಂದು ಸೆನೆಟ್‌ ದೃಢಪಡಿಸಿದೆ.

ಪ್ರಸ್ತುತ ಸೆನೆಟ್‌ನಲ್ಲಿ ರಿಪಬ್ಲಿನ್ಸ್‌ ಮತ್ತು ಡೆಮಾಕ್ರಾಟಿಕ್ಸ್‌ನ ತಲಾ 50 ಸದಸ್ಯರಿದ್ದಾರೆ. ಈ ಪ್ರಕ್ರಿಯೆಯಲ್ಲಿ ಟ್ರಂಪ್‌ರನ್ನು ಅಪರಾಧಿ ಎಂದು ಘೋಷಿಸಿ, ಸಂಸತ್‌ ಸ್ಥಾನದಿಂದ ಅನರ್ಹಗೊಳಿಸಲು ಆಡಳಿತ ಪಕ್ಷ ಡೆಮಾಕ್ರಾಟಿಕ್‌ಗೆ 67 ಮತಗಳ ಅವಶ್ಯಕತೆ ಇದೆ. ಪ್ರಸ್ತುತ 56 ಮತಗಳು ಟ್ರಂಪ್‌ ವಿರುದ್ಧ ಬಿದ್ದಿದ್ದು, 11 ಮತಗಳ ಅವಶ್ಯಕತೆ ಇದೆ.