ಶ್ವಾನ ಪ್ರೇಮಿಯನ್ನು ಕೊಂದ ರಷ್ಯಾ ಸೇನೆ

ಒಂದು ದೇಶದಲ್ಲಿ ಯುದ್ಧ ನಡೆಯುತ್ತಿದೆ ಎಂದರೆ ನಾವು ಅಲ್ಲಿ ಆಗುವ ಮನುಷ್ಯರ ಸಾವು, ನೋವುಗಳ ಬಗ್ಗೆ ಮಾತ್ರ ಮಾತನಾಡುತ್ತೇವೆ. ಆದರೆ ಅಲ್ಲಿರುವ ಸಾಕು ಪ್ರಾಣಿಗಳು, ಪಕ್ಷಿಗಳ ರೋದನೆಯ ಬಗ್ಗೆ ಗಮನ ಹರಿಸುವುದು ತುಂಬಾನೇ ಕಡಿಮೆ.

ಉಕ್ರೇನ್‌ನಲ್ಲಿ ಇಂಥ ಮಾನವೇತರ ಜೀವಸಂಕುಲಗಳಿಗಾಗಿ ಮಿಡಿಯುತ್ತಿದ್ದ ಹೃದಯವೊಂದರ ಮಿಡಿತವೊಂದನ್ನು ರಷ್ಯಾ ಪಡೆಗಳು ಇನ್ನಿಲ್ಲದಂತೆ ನಿಲ್ಲಿಸಿವೆ.

ಸಮರದ ತೀವ್ರತೆಯ ನಡುವೆಯೂ ಗುಟ್ಟಾಗಿ ಆಚೆ ಹೋಗಿ ಕೀವ್‌ ನಗರದ ಹೊರವಲಯದಲ್ಲಿರುವ ನಾಯಿಗಳ ಸಾಕಾಣಿಕೆ ಕೇಂದ್ರಕ್ಕೆ “ಡಾಗ್ ಫುಡ್’ ತರುವ ಮೂಲಕ ಆ ಮೂಕಪ್ರಾಣಿಗಳಿಗೆ ತಮ್ಮ ಕೈಲಾದ ಸೇವೆ ಮಾಡುತ್ತಿದ್ದ ಅನಾಸ್ತೇಸಿಯಾ ಯಲಾಂಸ್ಕಾಯ (26) ಎಂಬುವರನ್ನು ರಷ್ಯಾ ಪಡೆಗಳು ದಾಳಿ ನಡೆಸಿ ಹತ್ಯೆಗೈದಿವೆ.

ಡಾಗ್ ಫುಡ್ ತರಲು ಆಚೆ ಹೋಗಿದ್ದಾಗ ಈ ದಾಳಿ ನಡೆಸಲಾಗಿದೆ. ಆ ಮೂಕಪ್ರಾಣಿಗಳಿಗೆ ಇನ್ನು ಮುಂದೆ ಆಹಾರ ಕೊಡುವವರು ಯಾರು?