ನೀತಿ ಒಪ್ಪದಿದ್ರೆ ವಾಟ್ಸ್‌ಆ್ಯಪ್‌ ಸೇರಬೇಡಿ: ಹೈಕೋರ್ಟ್‌

ಹೊಸದಿಲ್ಲಿ: ಹೊಸ ನೀತಿಯನ್ನು ಒಪ್ಪಿಕೊಳ್ಳದ ಪಕ್ಷದಲ್ಲಿ ಯಾವುದೇ ಕಾರಣ ಕ್ಕೂ ವಾಟ್ಸ್‌ಆ್ಯಪ್‌ಗೆ ಸೇರುವುದು ಬೇಡ ಎಂದು ದಿಲ್ಲಿ ಹೈಕೋರ್ಟ್‌ ಸೂಚಿಸಿದೆ.

ವಾಟ್ಸ್‌ಆ್ಯಪ್‌ ಡೇಟಾ ಅಸುರಕ್ಷತೆ ಸಂಬಂಧ ವಕೀಲರೊಬ್ಬರು ಸಲ್ಲಿಸಿದ್ದ ಅರ್ಜಿ ವಿಚಾರಣೆ ಕೈಗೆತ್ತಿಕೊಂಡಿದ್ದ ನ್ಯಾಯಪೀಠ, “ಅದೊಂದು ಖಾಸಗಿ ಆ್ಯಪ್‌. ಅದರ ನೀತಿಗಳನ್ನು ಒಪ್ಪುವುದು- ಬಿಡುವುದು ಸ್ವಯಂಪ್ರೇರಣೆಗೆ ಬಿಟ್ಟ ವಿಚಾರ. ವಾಟ್ಸ್‌ ಆ್ಯಪ್‌ನ ಹೊಸ ನೀತಿಯನ್ನು ನೀವು ಒಪ್ಪಿ ಕೊಳ್ಳದೆ ಇದ್ದರೆ, ಅದರಲ್ಲಿ ಖಾತೆ ಹೊಂದುವ ಅಗತ್ಯವಿಲ್ಲ’ ಎಂದು ತಿಳಿಸಿದೆ.

ಬಹುತೇಕ ಆ್ಯಪ್‌ಗ್ಳ ನೀತಿ- ನಿಬಂಧನೆಗ ಳನ್ನು ಓದಿದರೆ, ನೀವು ಯಾವ್ಯಾವ ಸಂಗತಿ ಗಳನ್ನು ಒಪ್ಪಿಕೊಂಡಿದ್ದೀರಿ ಎಂದು ಭಾರೀ ಆಶ್ಚರ್ಯವಾಗುತ್ತದೆ. ಗೂಗಲ್‌ ಮ್ಯಾಪ್‌ ಕೂಡ ನಿಮ್ಮ ಡೇಟಾಗಳನ್ನು ಕಲೆಹಾಕಿ, ಸಂಗ್ರಹಿಸಿಟ್ಟುಕೊಂಡಿದೆ ಎಂದು ಆತಂಕ ಸೂಚಿಸಿದೆ. ಆನ್‌ಲೈನ್‌ ಡೇಟಾ ಸೋರಿಕೆ ಸಂಬಂಧ ಪರಿಶೀಲನೆ ಕೈಗೊಳ್ಳುವಂತೆ ಹೈಕೋರ್ಟ್‌ ನೀಡಿರುವ ಸಲಹೆಯನ್ನು ಕೇಂದ್ರ ಗಂಭೀರವಾಗಿ ಪರಿಗಣಿಸಿದೆ.

ವಾಟ್ಸ್‌ ಆ್ಯಪ್‌ ಬಳಕೆದಾರರ ಮೊಬೈಲ್‌ ಸಂಖ್ಯೆಗಳು ಗೂಗಲ್‌ನಂಥ ಸರ್ಚ್‌ ಎಂಜಿನ್‌ಗಳಲ್ಲಿ ಸಿಗುತ್ತಿರುವ ಪ್ರಕರಣಗಳು ಹೆಚ್ಚುತ್ತಿರುವುದು ಬೆಳಕಿಗೆ ಬಂದಿದೆ. ಸೈಬರ್‌ ಸುರಕ್ಷತೆ ಕುರಿತು ನಡೆಸಿದ ಸಂಶೋಧನೆಯಲ್ಲಿ ವಿಚಾರ ಗೊತ್ತಾಗಿದೆ. ಈ ನಡುವೆ ಕೇವಿನ್‌ ಭಾರ್ತಿ ಮಿತ್ತಲ್‌ ತಯಾರಿಸಿದ್ದ ಹೈಕ್‌ ಅನ್ನು ಕಾರಣವಿಲ್ಲದೆ ಗೂಗಲ್‌ ಪ್ಲೇಸ್ಟೋರ್‌ನಿಂದ ಕಿತ್ತೂಗೆದಿರು ವುದು ಸಂಶಯಕ್ಕೆ ಎಡೆಮಾಡಿಕೊಟ್ಟಿದೆ.