ದ.ಕ.,ಉಡುಪಿ ಜಿಲ್ಲಾ ಮಟ್ಟದ ಟೋಫಿ 

ಮೂಲ್ಕಿ : ದೇಶ ಪ್ರೇಮಿಯಾಗಿ ಯುವಕರಿಗೆ ಆದರ್ಶ ಪ್ರಾಯರಾಗಿದ್ದ ದಿ| ಸುಖಾನಂದ ಶೆಟ್ಟಿ ಅವರು ದೇಶಕ್ಕಾಗಿ ತನ್ನನ್ನು ಬಲಿದಾನ ಮಾಡಿಕೊಳ್ಳುವ ಮೂಲಕ ಶಾಶ್ವತವಾಗಿ ಎಲ್ಲರ ಮನಸ್ಸಿನಲ್ಲಿ ಉಳಿದಿದ್ದಾರೆ ಎಂದು ರಾಜ್ಯ ಭಜರಂಗ ದಳದ ಸಹಸಂಚಾಲಕ ಶರಣ್‌ ಪಂಪ್‌ ವೆಲ್‌ ಹೇಳಿದ್ದಾರೆ. ಅವರು ಮೂಲ್ಕಿಯ ಸುಖಾನಂದ ಫ್ರೆಂಡ್ಸ್‌ ಅವರು ವಿಜಯ ಕಾಲೇಜು ಕ್ರೀಡಾಂಗಣದಲ್ಲಿ ಆಯೋಜಿಸಿರುವ ದ.ಕ. ಮತ್ತು ಉಡುಪಿ ಜಿಲ್ಲಾ ಮಟ್ಟದ ಸುಖಾನಂದ ಶೆಟ್ಟಿ ಟೋಫಿ -2017 ಪಂದ್ಯಾಟವನ್ನು ಉದ್ಘಾಟಿಸಿ ಮಾತನಾಡಿದರು.

ಮೂಲ್ಕಿ ನಗರ ಪಂಚಾಯತ್‌ ಅಧ್ಯಕ್ಷ ಸುನೀಲ್‌ ಆಳ್ವ ಅಧ್ಯಕ್ಷತೆ ವಹಿಸಿ ಮಾತನಾಡಿ, ಜಿಲ್ಲೆಯ ಯುವಕರ ಆಶಾಕಿರಣವಾಗಿದ್ದ ಸುಖಾನಂದ ಶೆಟ್ಟಿ ಅವರ ಆದರ್ಶಗಳು ಯುವಕರಿಗೆ ದಾರಿ ದೀಪವಾಗಿದೆ ಎಂದು ಹೇಳಿದರು. ಮುಖ್ಯ ಅತಿಥಿ ಮಂಜಣ್ಣ ಸೇವಾ ಬ್ರಿಗೇಡ್‌ನ‌ ಸ್ಥಾಪಕಾಧ್ಯಕ್ಷ ಮನೋಜ್‌ ಕೋಡಿಕಲ್‌ ಮಾತನಾಡಿ, ಕ್ರೀಡೆ ಯುವಕರ ಸಂಘಟನೆಯಲ್ಲಿ ಜೀವಂತವಾಗಿದ್ದರೆ ಯುವಕರ ಚಿಂತನೆಗಳು ಸೋಲನ್ನು ಸವಾಲಾಗಿ ಸ್ವೀಕರಿಸುವ ಶಕ್ತಿ ಬರಲು ಸಾಧ್ಯ ಎಂದು ಹೇಳಿದರು.

ವಿಜಯಾ ಕಾಲೇಜಿನ ಪ್ರಾಂಶುಪಾಲ ಡಾ| ನಾರಾಯಣ ಪೂಜಾರಿ,ಬಿಜೆಪಿ ಶಕ್ತಿ ಕೇಂದ್ರ ಅಧ್ಯಕ್ಷ ಸತ್ಯೇನ್ದ್ರ  ಶೆಣೆ ಉಧ್ಯಮಿಗಳಾದ ಪ್ರಭೋದ್‌ ಕುಡ್ವಾ ಮತ್ತು ಶಶಿಕಾಂತ ಶೆಟ್ಟ ಸಮಾರಂಭದಲ್ಲಿ ಅತಿ‌ಥಿಗಳಾಗಿದ್ದರು. ಸುಖಾನಂದ ಶೆಟ್ಟಿ ಫ್ರೆಂಡ್ಸ್‌ ಅಧ್ಯಕ್ಷ ಬಿ.ಅರುಣ್‌ ಕುಮಾರ್‌ ಸ್ವಾಗತಿಸಿದರು. ಕಾರ್ಯಾಧ್ಯಕ್ಷ ರಮಾನಾಥ ಪೆ ಪ್ರಸ್ತಾವಿಕವಾಗಿ ಮಾತನಾಡಿದರು. ನಿತೇಶ್‌ ಶೆಟ್ಟಿ ಎಕ್ಕಾರು ಕಾರ್ಯಕ್ರಮ ನಿರೂಪಿಸಿದರು.