ಕಮಿಷನ್ ಸರಕಾರ ಎಂಬ ಡಿಕೆಶಿ ಹೇಳಿಕೆಗೆ ಎಸ್.ಟಿ. ಸೋಮಶೇಖರ್ ತಿರುಗೇಟು.

ಮೈಸೂರು: ಇದು ಕಮಿಷನ್ ಸರಕಾರ ಎಂಬ ಡಿ ಕೆ ಶಿವಕುಮಾರ್ ಹೇಳಿಕೆಗೆ ಜಿಲ್ಲಾ ಉಸ್ತುವಾರಿ ಸಚಿವ ಎಸ್.ಟಿ. ಸೋಮಶೇಖರ್ ಪ್ರತಿಕ್ರಿಯೆ ನೀಡಿದ್ದು, ಸಮ್ಮಿಶ್ರ ಸರಕಾರ ಇದ್ದಾಗ ನೀವು ಎಷ್ಟು ಕಮಿಷನ್ ತೆಗೆದುಕೊಳ್ಳುತ್ತಿದಿರಿ ಎಂಬುವುದು ನನಗೆ ಗೊತ್ತಿದೆ ಎಂದು ತಿರುಗೇಟು ನೀಡಿದ್ದಾರೆ.

ಮೈಸೂರುನಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿದ ಅವರು, ಈ ವಿಚಾರವನ್ನು  ನಾನು ಡಿಟೇಲ್ ಆಗಿ ಹೇಳಬೇಕಾಗುತ್ತದೆ. ಈಗ ಅದೆಲ್ಲಾ ಬೇಡ. ನಾನು ಸರಕಾರದ ಭಾಗವಾಗಿದ್ದೆ ಎಂಬುದು ಮರೆಯಬೇಡಿ ಎಂದರು.

ಡಿಕೆ ಶಿವಕುಮಾರ್ ಸುಮ್ನೆ ಇದ್ರೆ ಚೆನ್ನಾ.

ಕಮಿಷನ್ ಸರಕಾರ ಎನ್ನುವುದು ಡಿ ಕೆ ಶಿವಕುಮಾರ್ ಅವರಿಗೆ ಶೋಭೆ ತರುವ ಮಾತಲ್ಲ ಎಂದಿರುವ ಅವರು, ವಿರೋಧ ಪಕ್ಷದವರು ಇಷ್ಟು ದಿನ ಸುಮ್ಮನೆ ಮಲಗಿದ್ದರು ಈಗ ಏನೋ ಮಾಡುವುದಕ್ಕೆ ಹೊರಟ್ಟಿದ್ದಾರೆ ಎಂದು ಹೇಳಿದರು.

ಇದನ್ನೂ ಓದಿ:ತಿಮ್ಲಾಪುರ ಕೆರೆಗೆ ವಾರದಲ್ಲಿ ಹೇಮೆ ನೀರು : ದಶಕಗಳ ಹೋರಾಟಕ್ಕೆ ಸಿಕ್ಕ ಫ‌ಲ

ಈ ಸಂದರ್ಭದಲ್ಲಿ ನಮ್ಮ ಶಾಸಕರನ್ನು ಬಿಜೆಪಿ ಖರೀದಿಸಿತು ಎಂಬ ಸಿದ್ದರಾಮಯ್ಯ ಅವರ ಹೇಳಿಕೆಗೂ ತಿರುಗೇಟು  ನೀಡಿರುವ ಎಸ್.ಟಿ. ಸೋಮಶೇಖರ್, ನಮ್ಮನ್ನು ಯಾರಿಂದಲೋ ಖರೀದಿ ಮಾಡುವುದಕ್ಕೆ ಸಾಧ್ಯ ಇದೆಯೇ? ನಾವು ನಮ್ಮ ಸ್ವಾಭಿಮಾನಕ್ಕೆ ಧಕ್ಕೆಯಾದ ಕಾರಣ ಪಕ್ಷ ಬಿಟ್ಟೆವು. ಈ ವಿಚಾರದಲ್ಲಿ ಸಿದ್ದರಾಮಯ್ಯ ಯಾವುದೇ ಆರೋಪ ಮಾಡಬಾರದು ಎಂದು ನುಡಿದರು. ಚೆಲುವರಾಯಸ್ವಾಮಿ ಟೀಂ ಕಾಂಗ್ರೆಸ್ ಗೆ ಬಂದಾಗ ಅವರನ್ನೆಲ್ಲಾ ಬಾಂಬೆ ಯಲ್ಲಿ ಇಟ್ಟಿದ್ದು ನಾನು, ಭೈರತಿ ಬಸವರಾಜ್ ಎಂದಿರುವ ಅವರು ಅವತ್ತಿನ ಬಾಂಬೆಯ ಡಿಟೇಲ್ಸ್ ಜಾಸ್ತಿ ಹೇಳುವ ಶಕ್ತಿ ನನಗೂ ಇದೆ ಅವರು ನಮ್ಮ ಬಗ್ಗೆ ಹೆಚ್ಚು ಹೇಳಿದರೆ ನಾನು ಹಳೆಯದನ್ನೆಲ್ಲಾ ಹೇಳಬೇಕಾಗುತ್ತದೆ ಎಂದರು.