Advertisement
ಫಾರಂಗೆ ಅಧಿಕಾರಗಳ ತಂಡ ಭೇಟಿ: ಜಿಲ್ಲಾಧಿಕಾರಿ ಡಾ.ರಾಕೇಶ್‌ ಕುಮಾರ್‌, ಕೇಂದ್ರವಲಯ ಐಜಿಪಿ ಚಂದ್ರಶೇಖರ್‌ ಜಿಲ್ಲಾ ಪೊಲೀಸ್‌ವರಿಷ್ಠಾಧಿಕಾರಿ ಎಸ್‌.ಗಿರೀಶ್‌ ಮತ್ತು ಕಂದಾಯ ಅಧಿಕಾರಿಗಳ ತಂಡ ಫಾರಂಗೆ ಭೇಟಿ ಕೊಟ್ಟಿದ್ದರು. ಬೆಂಗಳೂರಿನಲ್ಲಿ ಡಾ.ರಾಜ್‌ ಕುಮಾರ್‌ ಅವರ ಸಮಾಧಿ ಪಕ್ಕ ದಲ್ಲೇ ಪುನೀತ್‌ ರಾಜ್‌ಕುಮಾರ್‌ ಅವರ ಅಂತ್ಯ ಸಂಸ್ಕಾರಕ್ಕೆ ಸರ್ಕಾರ ಅನುಮತಿ ನೀಡಿದೆ. ಆದರೆ ಅವರ ಕುಟುಂಬ ಸದಸ್ಯರ ಅಭಿಪ್ರಾಯ ಇನ್ನು ವ್ಯಕ್ತವಾಗಿಲ್ಲ. ಕುಟುಂಬ ಸದಸ್ಯರು ಹಾಗೊಮ್ಮೆ ಪುನೀತ್‌ ಫಾರಂನಲ್ಲಿ ಅಂತ್ಯ ಸಂಸ್ಕಾರ ನಡೆಸಲು ನಿರ್ಧರಿಸಿದರೆ, ಪುನೀತ್‌ ಫಾರಂನಲ್ಲಿ ಅಗತ್ಯ ವ್ಯವಸ್ಥೆ ಆರಂಭವಾಗಲಿದೆ.
Related Articles
Advertisement
ಎಲ್ಲರ ಹೆಸರಿಗೂ ಭೂಮಿ ಖಾತೆಯಾಗಿದೆ. ರಾಘವೇಂದ್ರ ರಾಜಕುಮಾರ್‌ ಅವರಿಗೆ 2 ಎಕರೆ 19 ಕುಂಟೆ ಭೂಮಿ, ಲಕ್ಷ್ಮಿ ಗೋವಿಂದರಾಜ್‌ ಅವರಿಗೆ 3 ಎಕರೆ 1 ಕುಂಟೆ, ಪೂರ್ಣಿಮ ರಾಂಕುಮಾರ್‌ ಅವರಿಗೆ 2 ಎಕರೆ 15 ಕುಂಟೆ, ಶಿವರಾಜ್‌ ಕುಮಾರ್‌ ಅವರಿಗೆ 1 ಎಕರೆ, ಪುನೀತ್‌ರಾಜ್‌ ಕುಮಾರ್‌ ಅವರಿಗೆ 2 ಎಕರೆ ಭೂಮಿ ಯನ್ನು ಭಾಗವಾಗಿ ಕೊಡಲಾಗಿದೆ ಎಂಬ ಮಾಹಿತಿ ದೊರಕಿದೆ. ಬೆಂಗಳೂರು ಮೈಸೂರು ಹೆದ್ದಾರಿ ರಸ್ತೆ ವಿಸ್ತರಣೆಯಾಗುತ್ತಿದ್ದು, 1 ಎಕರೆಯಷ್ಟು ಪ್ರಮಾಣದ ಭೂಮಿ ಸ್ವಾಧೀನವಾಗಿದ್ದು, 13.8 ಎಕರೆ ಭೂಮಿ ಮಾತ್ರ ಕುಟುಂಬದ ಬಳಿ ಇದೆ.
ವಿಶ್ರಾಂತಿ ಪಡೆಯುತ್ತಿದ್ದ ಅಪ್ಪಾಜಿ: ಪುನೀರ್‌ ಫಾರಂನಲ್ಲಿ ಡಾ.ರಾಜ್‌ ಕುಟುಂಬ ಮನೆಯೊಂದನ್ನು ನಿರ್ಮಿಸಿಕೊಂಡಿದ್ದಾರೆ. ಡಾ.ರಾಜ್‌ಕುಮಾರ್‌ ಅವರು ಆಗಾಗ್ಗೆ ಇಲ್ಲಿಗೆ ಭೇಟಿ ಕೊಟ್ಟು ವಿಶ್ರಾಂತಿ ಪಡೆಯುತ್ತಿದ್ದರು. ಈ ಜಮೀನು ಪುನೀತ್‌ ರಾಜ್‌ಕುಮಾರ್‌ ಅವರ ಮೆಚ್ಚಿನ ಸ್ಥಳವೂ ಆಗಿತ್ತು. ರಾಜ್‌ ಕುಮಾರ್‌ ಅವರ ತಾಯಿ ಲಕ್ಷ್ಮಮ್ಮ ಮತ್ತು ಸಹೋದರ ವರದರಾಜು ಅವರ ಸಮಾಧಿಯೂ ಇದೇ ಫಾರಂನಲ್ಲಿದೆ. ಡಾ. ರಾಜ್‌ಕುಮಾರ್‌ ಅವರು ನಿಧನ ಹೊಂದಿದಾಗ ಅವರ ಪಾರ್ಥಿವ ಶರೀರವನ್ನು ಪುನೀತ್‌ ಫಾರಂನಲ್ಲೇ ಸಮಾಧಿ ಮಾಡಬೇಕು ಎಂಬ ಕಾರಣಕ್ಕೆ ಸಿದ್ಧತೆಗಳನ್ನು ಮಾಡಿಕೊಳ್ಳಲಾಗಿತ್ತು. ಆದರೆ ಅಂತ್ಯ ಸಂಸ್ಕಾರವನ್ನು ಬೆಂಗಳೂರಿನಲ್ಲಿ ನೆರೆವೇರಿಸಲಾಗಿದೆ.