ಆರೋಪಪಟ್ಟಿ ದಾಖಲಾದ‌ ಶಾಸಕರ ಅನರ್ಹಕ್ಕೆ ಶಿಫಾರಸು

ನವದೆಹಲಿ: ಮತದಾರರಿಗೆ ಲಂಚ ನೀಡಿದ, ಮತದಾನದ ಮೇಲೆ ಪ್ರಭಾವ ಬೀರಿದ ಆರೋಪದಲ್ಲಿ ಯಾವ ಶಾಸಕ, ಸಂಸದನ ಮೇಲೆ ಆರೋಪಪಟ್ಟಿ ದಾಖಲಾಗುತ್ತದೋ ಅವರನ್ನು ಅನರ್ಹಗೊಳಿಸಬೇಕು ಎಂದು ಚುನಾವಣಾ ಆಯೋಗವು ಕೇಂದ್ರ ಸರ್ಕಾರಕ್ಕೆ ಶಿಫಾರಸು ಮಾಡಿದೆ.

ಜನಪ್ರತಿನಿಧಿ ಕಾಯ್ದೆ 1951ರ ಸೆಕ್ಷನ್‌ 8ರ ಅನ್ವಯ, ಮತದಾನ ಸಂದರ್ಭದಲ್ಲಿ ಲಂಚ, ಭ್ರಷ್ಟಾಚಾರ ನಡೆಸಿದ ಶಾಸಕರ ಆರೋಪ ಸಾಬೀತಾದರೆ, ಅವರನ್ನು 6 ವರ್ಷಗಳ ಕಾಲ ಚುನಾವಣೆಗೆ ಸ್ಪರ್ಧಿಸಲು ನಿಷೇಧ ಹೇರಲಾಗುತ್ತದೆ. ಈಗ ಇದೇ ಸೆಕ್ಷನ್‌ಗೆ ತಿದ್ದುಪಡಿ ತಂದು, ಆರೋಪಪಟ್ಟಿ ದಾಖಲಾಗುವ ಶಾಸಕ, ಸಂಸದರನ್ನು ಅನರ್ಹಗೊಳಿಸುವ ಅಂಶವನ್ನು ಸೇರಿಸಬೇಕು ಎಂದು ಆಯೋಗವು ಮನವಿ ಮಾಡಿದೆ.