Constitution ಪೀಠಿಕೆ ಸಂಬಂಧ ಶಿಕ್ಷಣ ಸಚಿವ ವಿರುದ್ಧ ಹಕ್ಕುಚ್ಯುತಿ?

ಹೊಸದಿಲ್ಲಿ: ಎನ್‌ಸಿಇಆರ್‌ಟಿ ಪಠ್ಯಗಳಲ್ಲಿನ ಸಂವಿಧಾನ ಪೀಠಿಕೆ ಕುರಿತು ಸಚಿವ ಧರ್ಮೇಂದ್ರ ಪ್ರಧಾನ್‌ ಸದನಕ್ಕೆ ತಪ್ಪು ಮಾಹಿತಿ ನೀಡಿದ್ದಾರೆಂದು ಆರೋಪಿಸಿ ಕಾಂಗ್ರೆಸ್‌ನ ಜೈರಾಂ ರಮೇಶ್‌ ಹಕ್ಕುಚ್ಯುತಿ ನೋಟಿಸ್‌ ನೀಡಿದ್ದಾರೆ. ಈ ಕುರಿತು ಅವರು ರಾಜ್ಯಸಭಾ ಸಭಾಧ್ಯಕ್ಷರಿಗೆ ಪತ್ರ ನೀಡಿದ್ದಾರೆ. ವಿಪಕ್ಷ ನಾಯಕ ಮಲ್ಲಿಕಾರ್ಜುನ ಖರ್ಗೆ ಅವರು ಆ.7ರಂದು, ಎನ್‌ಸಿಇಆರ್‌ಟಿಯ 3 ಮತ್ತು 6ನೇ ತರಗತಿಯ ಪಠ್ಯದಿಂದ ಸಂವಿಧಾನದ ಪೀಠಿಕೆ ತೆಗೆದು ಹಾಕಲಾಗಿದೆ ಎಂದು ಹೇಳಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ಪ್ರಧಾನ್‌, 6ನೇ ತರಗತಿಯ ಪಠ್ಯದಲ್ಲಿ ಈಗಲೂ ಪೀಠಿಕೆ ಇದೆ ಎಂದು ಹೇಳಿದ್ದರು.