Direct Tax: ನೇರ ತೆರಿಗೆ ಸಂಗ್ರಹ 19.60 ಲಕ್ಷ ಕೋಟಿ ರೂ.ಗೆ ಏರಿಕೆ: ಕೇಂದ್ರ

ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಸರ್ಕಾರದ 10 ವರ್ಷಗಳ ಅವಧಿಯಲ್ಲಿ 2023-24ರ ಸಾಲಿನಲ್ಲಿ ನೇರ ತೆರಿಗೆ ಸಂಗ್ರಹವು ಶೇ.182 ಪ್ರತಿಶತದಷ್ಟು ಏರಿಕೆಯಾಗಿ 19.60 ಲಕ್ಷ ಕೋಟಿ ರೂ. ದಾಟಿದೆ.

ಈ ಸಂಬಂಧ ತೆರಿಗೆ ಇಲಾಖೆಯು ಅಂಕಿ ಸಂಖ್ಯೆಗಳನ್ನು ಬಿಡುಗಡೆ ಮಾಡಿದೆ. ಹತ್ತು ವರ್ಷದಲ್ಲಿ ಕಾರ್ಪೋರೇಟ್‌ ತೆರಿಗೆ 9.11 ಲಕ್ಷ ಕೋಟಿ ರೂ. ಅಂದರೆ ಬಹುತೇಕ ದುಪ್ಪಟ್ಟಾಗಿದೆ. ಇದೇ ಅವಧಿಯಲ್ಲಿ ವೈಯಕ್ತಿಕ ಆದಾಯ ತೆರಿಗೆ ಬಹುತೇಕ 4 ಪಟ್ಟು ಅಂದರೆ 10.45 ಲಕ್ಷ ಕೋಟಿ ರೂ.ಗೆ ಏರಿಕೆಯಾಗಿದೆ.

2014-15ರಲ್ಲಿ ನೇರ ತೆರಿಗೆಯು 6.96 ಲಕ್ಷ ಕೋಟಿ ರೂ. ಇತ್ತು. ಇದರಲ್ಲಿ 4.29 ಲಕ್ಷ ಕೋಟಿ ಕಾರ್ಪೋರೇಟ್‌ ಮತ್ತು 2.66 ಲಕ್ಷ ಕೋಟಿ ರೂ. ವೈಯಕ್ತಿಕ ಆದಾಯ ತೆರಿಗೆ ಕೂಡ ಸೇರಿದೆ.