Delhi; ಪ್ರವೇಶಿಸುವ ವಾಹನಕ್ಕೆ ವಾಹನ ದಟ್ಟಣೆ ತೆರಿಗೆ ವಿಧಿಸಲು ಚಿಂತನೆ

ಹೊಸದಿಲ್ಲಿ: ದಿಲ್ಲಿ ನಗರದ ಸಂಚಾರ ದಟ್ಟಣೆ ಮತ್ತು ಪರಿಸರ ಮಾಲಿನ್ಯ ನಿಯಂತ್ರಿಸಲು ಆಪ್‌ ಸರಕಾರ “ವಾಹನ ದಟ್ಟಣೆ’ ತೆರಿಗೆ ವಿಧಿಸಲು ಮುಂದಾಗಿದೆ. ರಾಷ್ಟ್ರ ರಾಜಧಾನಿಗೆ 13 ಮಾರ್ಗಗಳ ಮೂಲಕ ಪ್ರವೇಶ ಮಾಡುವ ವಾಹನಗಳಿಗೆ ಈ ನಿಯಮ ಜಾರಿಗೊಳಿಸಲು ಪರಿಶೀಲನೆ ನಡೆಯುತ್ತಿದೆ. ಬೆಳಗ್ಗೆ 8 ಗಂಟೆಯಿಂದ 10ರ ವರೆಗೆ ಸಂಜೆ 5.30ರಿಂದ ರಾತ್ರಿ 7.30ರೊಳಗೆ ಆಗಮಿಸುವ ವಾಹನಗಳಿಗೆ ಫಾಸ್ಟಾಗ್‌ ಮೂಲಕ ಈ ತೆರಿಗೆ ವಿಧಿಸಲು ಸರಕಾರ ಯೋಜಿಸಿದೆ. ಅದನ್ನು ಜಾರಿ ಮಾಡಲು ಮೋಟಾರು ವಾಹನ ಕಾಯ್ದೆಗೆ ತಿದ್ದುಪಡಿ ತರಬೇಕಾಗಿದೆ ಎಂದು ಅಧಿಕಾರಿ­ಗಳು ಹೇಳಿದ್ದಾರೆ. 2009ರಲ್ಲಿ ದಿಲ್ಲಿ ಮಾಜಿ ಸಿಎಂ ಶೀಲಾ ದೀಕ್ಷಿತ್‌ ರಾಜಧಾನಿ ಪ್ರವೇಶಿಸುವ ಖಾಸಗಿ ವಾಹನಗಳಿಗೆ ತೆರಿಗೆ ವಿಧಿಸುವ ಪ್ರಸ್ತಾವ ಮಾಡಿದ್ದರು.