ನಟ ದಿಲೀಪ್‌ಗೆ ಮೊದಲೇ ಮತ್ತೂಬ್ಬಳ ಜತೆ ಮದುವೆ?

ಕೊಚ್ಚಿ/ತಿರುವನಂತಪುರ: ಬಹುಭಾಷಾ ನಟಿಯ ಅಪಹರಣ, ಲೈಂಗಿಕ ಕಿರುಕುಳ ಪ್ರಕರಣದಲ್ಲಿ ಜೈಲು ಪಾಲಾಗಿರುವ ಮಲಯಾಳ ನಟ ದಿಲೀಪ್‌ ನಟಿ ಮಂಜು ವಾರಿಯರ್‌ನ್ನು ಮದುವೆಯಾಗುವುದಕ್ಕಿಂತ ಮೊದಲು ಮತ್ತೂಬ್ಬ ಮಹಿಳೆ ಜತೆಗೆ ದಾಂಪತ್ಯ ಜೀವನ ಪ್ರವೇಶಿಸಿದ್ದರು. ಈ ಕುತೂಹಲಕಾರಿ ಅಂಶವನ್ನು ಪ್ರಕರಣದ ತನಿಖೆ ನಡೆಸುತ್ತಿರುವ ವಿಶೇಷ ತನಿಖಾ ತಂಡದ ಪೊಲೀಸರು ಪತ್ತೆ ಹಚ್ಚಿದ್ದಾರೆ. ಆ ಮಹಿಳೆ ನಟನ ನಿಕಟ ಬಂಧುವೇ ಆಗಿದ್ದಾರೆ. ಜತೆಗೆ ಅದು ಕಾನೂನು ಬದ್ಧವಾಗಿ ನೋಂದಣಿಯೂ ಆಗಿದೆ ಎಂಬ ವಿಚಾರವೂ ಗೊತ್ತಾಗಿದೆ. ಅವರಿಗೆ ವಿಚ್ಛೇದನ ನೀಡದೆ 2015ರಲ್ಲಿ ಮಂಜುವಾರಿಯರ್‌ರನ್ನು ವಿವಾಹವಾಗಿದ್ದರು. ಬಳಿಕ 2016 ರಲ್ಲಿ  ಕಾವ್ಯಾ ಮಾಧವನ್‌ರನ್ನು ಮದುವೆಯಾಗಿದ್ದರು.