Dhruva-Prem: ಡಿ.24ಕ್ಕೆ ʼಕೆಡಿʼ ಶಿವ ಶಿವ ಹಾಡು ರಿಲೀಸ್‌

ಧ್ರುವ ಸರ್ಜಾ “ಕೆಡಿ’ ಚಿತ್ರದಲ್ಲಿ ಬಿಜಿಯಾಗಿದ್ದಾರೆ. ಪ್ರೇಮ್‌ ನಿರ್ದೇಶನ ಹಾಗೂ ಕೆವಿಎನ್‌ ಪ್ರೊಡಕ್ಷನ್ಸ್‌ ಬ್ಯಾನರ್‌ನಲ್ಲಿ ನಿರ್ಮಾಣವಾಗುತ್ತಿರುವ ಬಿಗ್‌ ಬಜೆಟ್‌ ಚಿತ್ರವಿದು. ಸದ್ಯ ಈ ಚಿತ್ರ ರಿಲೀಸ್‌ ಅಖಾಡಕ್ಕೆ ಇಳಿದಿದೆ. ಚಿತ್ರ ಏಪ್ರಿಲ್‌ನಲ್ಲಿ ತೆರೆಕಾಣುವ ಸಾಧ್ಯತೆ ಇದೆ. ಮೊದಲ ಹಂತವಾಗಿ ಚಿತ್ರದ ಮೊದಲ ಹಾಡು ಡಿ.24ರಂದು ಆನಂದ್‌ ಆಡಿಯೋ ಯುಟ್ಯೂಬ್‌ನಲ್ಲಿ ಬಿಡುಗಡೆಯಾಗುತ್ತಿದೆ.

ಜನಪದ ಶೈಲಿ ಇರುವ “ಶಿವ ಶಿವ’ ಎಂಬ ಹಾಡು ರಿಲೀಸ್‌ ಆಗುತ್ತಿದ್ದು, ವಿಂಟೇಜ್‌ ಶೈಲಿಯಲ್ಲಿ ಮೂಡಿಬಂದಿದೆ. ಚಿತ್ರದಲ್ಲಿ 6 ಹಾಡುಗಳಿದ್ದು, ಇಡೀ ಭಾರತೀಯ ಚಿತ್ರರಂಗದಲ್ಲೇ ಕೆಡಿ ದೊಡ್ಡ ಆಲ್ಬಂ ಆಗಲಿದೆ ಎನ್ನುವುದು ತಂಡದ ಮಾತು. ಭಾರತೀಯ ಚಿತ್ರರಂಗದಲ್ಲೇ ಇಷ್ಟು ದೊಡ್ಡ ಮಟ್ಟದ ಆರ್ಕೆಸ್ಟ್ರಾ ಬಳಸಿರುವುದು ಇದೇ ಮೊದಲು. ಈ ಹಿಂದೆ ಜವಾನ್‌ ಸಿನಿಮಾಕ್ಕೆ 180 ಪೀಸ್‌ ಬಳಸಲಾಗಿತ್ತು, ನಮ್ಮ ಸಿನಿಮಾಕ್ಕೆ 256 ಪೀಸ್‌ ಬಳಸಲಾಗಿದೆ ಎನ್ನುತಾರೆ ಪ್ರೇಮ್‌.

ಚಿತ್ರದಲ್ಲಿ ನಾಯಕನ ಪಾತ್ರ ಕೂಡಾ ವಿಭಿನ್ನವಾಗಿದ್ದು, ಅಣ್ಣ, ತಮ್ಮ, ಮಗ, ಪ್ರೇಮಿಯನ್ನು ನೆನಪಿಸುತ್ತದೆ ಎನ್ನುವುದು ಪ್ರೇಮ್‌ ಮಾತು. ಚಿತ್ರದ ಡಬ್ಬಿಂಗ್‌ ಆರಂಭವಾಗಿದ್ದು, ಎಐ ಮೂಲಕ ಎಲ್ಲಾ ಭಾಷೆಯಲ್ಲೂ ಧ್ರುವ ಧ್ವನಿ ಇರುವಂತೆ ಪ್ಲ್ರಾನ್‌ ಮಾಡುತ್ತಿದೆ ಚಿತ್ರತಂಡ. ಸಿನಿಮಾದಲ್ಲಿ ಧ್ರುವಗೆ ರೀಷ್ಮಾ ನಾಣಯ್ಯ ನಾಯಕಿಯಾಗಿದ್ದು, ರವಿಚಂದ್ರನ್‌, ರಮೇಶ್‌ ಅರವಿಂದ್‌, ಸಂಜಯ್‌ ದತ್‌, ಶಿಲ್ಪಾ ಶೆಟ್ಟಿ ಮುಖ್ಯ ಭೂಮಿಕೆಯಲ್ಲಿದ್ದಾರೆ.