ಗೋವಾದಲ್ಲಿ ಮಡದಿ ಜೊತೆ ‘ಪೊಗರು’ ಬಾಯ್ ಧ್ರುವ ಸರ್ಜಾ

ಧ್ರುವ ಸರ್ಜಾ ನಟನೆಯ ಪೊಗರು ಸಿನಿಮಾ ಕಳೆದ ಫೆ.19ರಂದು ತೆರೆ ಕಂಡಿದ್ದು ಭಾರೀ ಮೆಚ್ಚುಗೆಗೆ ಕಾರಣವಾಗಿದೆ. ಇದೇ ಖುಷಿಯಲ್ಲಿರುವ ಧ್ರುವ ಸರ್ಜಾ ಇದೀಗ ಮಡದಿ ಜೊತೆ ಪ್ರವಾಸ ಕೈಗೊಂಡಿದ್ದಾರೆ. ಅಲ್ಲದೆ ಆ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಹಾಕಲಾಗಿದ್ದು ತುಂಬಾ ವೈರಲ್‍ ಆಗುತ್ತಿವೆ.

ಹೌದು ಎಲ್ಲಾ ಸೆಲೆಬ್ರೆಟಿಗಳು ಮದುವೆ ನಂತ್ರ ತಮ್ಮ ಜೋಡಿ ಜೊತೆ  ಮಾಲ್ಡೀವ್ಸ್‍ ಪ್ರವಾಸ ಮಾಡಿದ್ರೆ, ಪೊಗರು ಪೋರ ಧ್ರುವ ಸರ್ಜಾ ತನ್ನ ಮಡದಿ ಪ್ರೇರಣಾ ಜೊತೆ ಗೋವಾಕ್ಕೆ ತೆರಳಿದ್ದಾರೆ.

ಮಡದಿ ಜೊತೆ ಕಡಲ ಕಿನಾರೆಯಲ್ಲಿ ರೊಮ್ಯಾಂಟಿಕ್‍ ಮೂಡ್‍ನಲ್ಲಿರುವ ಧ್ರುವ ಫೋಟೋಗಳು ಅಭಿಮಾನಿಗಳ ಗಮನ ಸೆಳೆಯುತ್ತಿವೆ. ಈ ಫೋಟೋಗಳನ್ನು ಸ್ವತಃ ಪ್ರೇರಣಾ ತಮ್ಮ ಇನ್‍ಸ್ಟಾಗ್ರಾಮ್‍ ಖಾತೆಯಲ್ಲಿ ಶೇರ್‍ ಮಾಡಿಕೊಂಡಿದ್ದಾರೆ.

ಮೂರ್ನಾಲ್ಕು ವರ್ಷಗಳಿಂದ ಪೊಗರಿನಲ್ಲಿ ಬ್ಯುಸಿ ಇದ್ದ ನಟ ಧ್ರುವ ಸರ್ಜಾ ಹೆಂಡತಿಯ ಜೊತೆ ಕಾಲ ಕಳೆಯಲು ಸಾಧ್ಯವಾಗಿರಲಿಲ್ಲ. ಇದೀಗ ಗೋವಾಕ್ಕೆ ತೆರಳಿರುವ ಜೋಡಿ ಫುಲ್‍ ಎಂಜಾಯ್‍ ಮಾಡುತ್ತಿದೆ.