ಬ್ಯಾಡ್ಮಿಂಟನ್‌ ತಾರೆ ಶ್ರೀಕಾಂತ್‌ಗೆ ಅಭಿಮಾನಿಯಾದ ಧೋನಿ

ನವದೆಹಲಿ: ಖ್ಯಾತ ಕ್ರಿಕೆಟಿಗ ಎಂ.ಎಸ್‌.ಧೋನಿ ಅವರು ಬ್ಯಾಡ್ಮಿಂಟನ್‌ ತಾರೆ ಕೆ.ಶ್ರೀಕಾಂತ್‌ ಅವರ ದೊಡ್ಡ ಅಭಿಮಾನಿಯಂತೆ. ಕೋಟ್ಯಂತರ ಕ್ರಿಕೆಟ್‌ ಅಭಿಮಾನಿಗಳ ಮನ ಗೆದ್ದಿರುವ ಧೋನಿ, ಶ್ರೀಕಾಂತ್‌ ಆಟಕ್ಕೆ ಮನಸೋತು ಅಭಿಮಾನಿಯಾಗಿರುವುದು ವಿಶೇಷ. ಧೋನಿ ಇತ್ತೀಚೆಗೆ ತಮ್ಮ ಹಸ್ತಾಕ್ಷರವುಳ್ಳ ಬ್ಯಾಟ್‌ವೊಂದನ್ನು ಶ್ರೀಕಾಂತ್‌ಗೆ ಉಡುಗೊರೆಯಾಗಿ ನೀಡಿದ್ದರು. ಧೋನಿ ಅಭಿಮಾನಕ್ಕೆ ಸ್ವತಃ ಶ್ರೀಕಾಂತ್‌ ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಅಲ್ಲದೆ ಧೋನಿಗೆ ಹೃದಯಪೂರ್ವಕ ಧನ್ಯವಾದ ಸಲ್ಲಿಸಿದ್ದಾರೆ.