Dharwad: ಅಪ್ಪ ಪಡೆದ 1 ಲಕ್ಷ ರೂ. ಸಾಲಕ್ಕೆ ಮಗನ ಕಾಲಿಗೆ ಸರಪಳಿ!

ಧಾರವಾಡ: ಅಪ್ಪ ಪಡೆದ 1 ಲಕ್ಷ ರೂ. ಸಾಲಕ್ಕಾಗಿ ಅವನ ಮಗನ ಕಾಲಿಗೆ ಕಬ್ಬಿಣದ ಸರಪಳಿ ಕಟ್ಟಿ ಕೆಲಸ ಮಾಡಿಸಿಕೊಳ್ಳುತ್ತಿದ್ದ ಅಮಾನವೀಯ ಘಟನೆ ಹೊಸತೇಗೂರಿನ ಓಲ್ಡ್‌ ಢಾಬಾದಲ್ಲಿ ನಡೆದಿದೆ.

ವೆಂಕಟಾಪುರದ ಅರುಣಕುಮಾರ ಯಾದವ (50) ತಮ್ಮ ಪುತ್ರ ಕಿರಣಕುಮಾರ ಯಾದವ (26) ಜತೆ ಓಲ್ಡ್‌ ಢಾಬಾದಲ್ಲಿ 4 ವರ್ಷಗಳಿಂದ ಕೆಲಸ ಮಾಡುತ್ತಿದ್ದರು. ಅಡಚಣೆಗಾಗಿ ಮಾಲಕನ ಬಳಿ 1 ಲಕ್ಷ ರೂ. ಸಾಲ ಪಡೆದಿದ್ದರು. ತಂದೆ ಅರುಣಕುಮಾರ ಢಾಬಾದಿಂದ ಹೊರ ಹೋಗಿದ್ದರಿಂದ ಢಾಬಾ ಮಾಲಕ ಪುತ್ರ ಕಿರಣಕುಮಾರ್‌ ಕಾಲಿಗೆ ಕಬ್ಬಿಣದ ಸರಪಳಿ ಕಟ್ಟಿ ಕೆಲಸ ಮಾಡಿಸಿಕೊಳ್ಳುತ್ತಿದ್ದರು.

ವಿಷಯ ತಿಳಿದು ಸ್ಥಳಕ್ಕೆ ತೆರಳಿದ ಎಸ್‌ಪಿ ಡಾ| ಗೋಪಾಲ ಬ್ಯಾಕೋಡ್‌ ಪರಿಶೀಲಿಸಿ ಕ್ರಮಕ್ಕೆ ಸೂಚಿಸಿದ್ದಾರೆ.