ಧರ್ಮ ಸಂಸದ್‌ ಸಮಾಲೋಚನ ಸಭೆ 

ಸವಣೂರು: ವಿಶ್ವ ಹಿಂದೂ ಪರಿಷತ್‌ ಇದರ 2017ರ ಧರ್ಮ ಸಂಸದ್‌ ನ. 24, 25, 26ರಂದು ಉಡುಪಿಯಲ್ಲಿ ನಡೆಯಲಿದ್ದು, ಇದರ ಅಂಗವಾಗಿ ಸವಣೂರು, ಪಾಲ್ತಾಡಿ, ಬೆಳಂದೂರು, ಕುದ್ಮಾರು, ಪುಣcಪ್ಪಾಡಿ ಭಾಗದ ಕಾರ್ಯಕರ್ತರ ಸಮಾಲೋಚನ ಸಭೆಯು ಸವಣೂರು ಯುವಕ ಮಂಡಲದ ಯುವ ಸಭಾಭವನದಲ್ಲಿ ನಡೆಯಿತು.

ಪ್ರಾಂತ ಗೋರಕ್ಷಾ ಪ್ರಮುಖ್‌ ಮುರಳೀಕೃಷ್ಣ ಹಸಂತಡ್ಕ ಪಾಲ್ಗೊಂಡು ಮಾತನಾಡಿ, ಧರ್ಮ ಸಂಸದ್‌ನಲ್ಲಿ ಹಿಂದೂ ಸಮಾಜದ ಹಲವು ಸಂತರು ಪಾಲ್ಗೊಳ್ಳಲಿದ್ದಾರೆ. ಜತೆ ಬೃಹತ್‌ ಸಾಮರಸ್ಯ ಸಭೆ, ಹಿಂದೂ ಸಮಾವೇಶ ನಡೆಯಲಿದೆ. ದೇಶದ ಹಲವು ಭಾಗಗಳಿಂದ ಹಿಂದೂ ಮುಖಂಡರು ಪಾಲ್ಗೊಳ್ಳಲಿದ್ದಾರೆ. 1985ರ ಬಳಿಕ ಈ ಬಾರಿ ಉಡುಪಿಯಲ್ಲಿ ಧರ್ಮ ಸಂಸದ್‌ ನಡೆಯುತ್ತಿದ್ದು, ಈ ಕಡೆಯಿಂದಲೂ ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಳ್ಳಬೇಕು ಎಂದರು.

ಹಿಂದೂ ಜಾಗರಣ ವೇದಿಕೆಯ ಪುತ್ತೂರು ನಗರ ಘಟಕದ ಗೌರವಾಧ್ಯಕ್ಷ ಕುಂಜಾಡಿ ಪ್ರಕಾಶ್ಚಂದ್ರ ರೈ ಮುಗೇರುಗುತ್ತು, ಸವಣೂರು ಹಿಂದೂ ಜಾಗರಣ ವೇದಿಕೆಯ ಸಂಚಾಲಕ ಪ್ರಶಾಂತ್‌ ನೂಜಾಜೆ ಉಪಸ್ಥಿತರಿದ್ದರು.

ಎಪಿಎಂಸಿ ನಿರ್ದೇಶಕ ದಿನೇಶ್‌ ಮೆದು, ತಾಲೂಕು ಪಂಚಾಯತ್‌ ಉಪಾಧ್ಯಕ್ಷೆ ರಾಜೇಶ್ವರಿ, ಚಾರ್ವಾಕ ಕ್ಷೇತ್ರದ ತಾಲೂಕು ಪಂಚಾಯತ್‌ ಸದಸ್ಯೆ ಲಲಿತಾ ಈಶ್ವರ್‌, ಸವಣೂರು ಗ್ರಾಮ ಪಂಚಾಯತ್‌ ಅಧ್ಯಕ್ಷೆ ಇಂದಿರಾ ಬಿ.ಕೆ., ಸದಸ್ಯರಾದ ಗಾಯತ್ರಿ ಬರೆಮೇಲು, ಸತೀಶ್‌ ಅಂಗಡಿಮೂಲೆ, ಸತೀಶ್‌ ಬಲ್ಯಾಯ, ಬೆಳಂದೂರು ಗ್ರಾಮ ಪಂಚಾಯತ್‌ ಉಪಾಧ್ಯಕ್ಷ ಹರೀಶ್‌ ಕೆರೆನಾರು, ಬಿಜೆಪಿ ಗ್ರಾ.ಪಂ. ಸಮಿತಿ ಅಧ್ಯಕ್ಷ ಗಣೇಶ್‌ ಶೆಟ್ಟಿ ಕುಂಜಾಡಿ, ಸವಣೂರು ಸಿಎ ಬ್ಯಾಂಕ್‌ ನಿರ್ದೇಶಕ ತಾರಾನಾಥ ಕಾಯರ್ಗ, ಬಿಜೆಪಿ ಬೂತ್‌ ಸಮಿತಿ ಅಧ್ಯಕ್ಷ ಪ್ರಜ್ವಲ್‌ ಕೆ.ಆರ್‌., ಹಿಂ.ಜಾ.ವೇ. ಸವಣೂರು ಘಟಕದ ಕಾರ್ಯದರ್ಶಿ ಜಗದೀಶ್‌ ಕೆಡೆಂಜಿ, ಸಹ ಸಂಚಾಲಕ ಸುಶಾಂತ್‌ ಕೋಟ್ಯಾನ್‌ ಉಪಸ್ಥಿತರಿದ್ದರು. ಹಿಂದೂ ಮುಖಂಡ ರಾಕೇಶ್‌ ರೈ ಕೆಡೆಂಜಿ ಸ್ವಾಗತಿಸಿ, ವಂದಿಸಿದರು.