ಟಿಟಿಡಿ ಸದಸ್ಯೆಯಾಗಿ ಇನ್ಫಿ ಸುಧಾಮೂರ್ತಿ ಪ್ರಮಾಣ

ತಿರುಪತಿ: ಇನ್ಫೋಸಿಸ್‌ ಸಂಸ್ಥಾಪಕ ಎನ್‌.ಆರ್‌. ನಾರಾಯಣ ಮೂರ್ತಿ ಅವರ ಪತ್ನಿ ಸುಧಾ ಮೂರ್ತಿ ತಿರುಮಲ ತಿರುಪತಿ ದೇವಸ್ಥಾನ ಟ್ರಸ್ಟ್‌ನ ಸದಸ್ಯೆಯಾಗಿ ಪ್ರಮಾಣವಚನ ಸ್ವೀಕರಿಸಿದ್ದಾರೆ. ತಿರುಪತಿ ವೆಂಕಟೇಶ್ವರ ದೇಗುಲ ಸೇರಿದಂತೆ ತಿರುಪತಿಯ ವಿವಿಧ ದೇಗುಲಗಳ ಆಡಳಿತವನ್ನು ಈ ಟ್ರಸ್ಟ್‌ ನೋಡಿಕೊಳ್ಳುತ್ತದೆ.

ಟಿಟಿಡಿ ಕಾರ್ಯಕಾರಿ ಅಧಿಕಾರಿ ಡಿ.ಸಾಂಬಶಿವ ರಾವ್‌ ಅವರು ಸುಧಾಮೂರ್ತಿ ಅವರಿಗೆ ಪ್ರಮಾಣವಚನ ಬೋಧಿಸಿದರು. ಅಪನಗದೀಕರಣ ಬಳಿಕ ನಡೆದ ದಾಳಿ ವೇಳೆ ಉದ್ಯಮಿ ಜೆ.ಶೇಖರ್‌ ರೆಡ್ಡಿ ಅವರ ನಿವಾಸಗಳ ಮೇಲೆ ತೆರಿಗೆ ದಾಳಿಯಾಗಿದ್ದು ಅಪಾರ ಪ್ರಮಾಣದ ಅಕ್ರಮ ಸಂಪತ್ತು ಪತ್ತೆಯಾಗಿತ್ತು. ಈ ಹಿನ್ನೆಲೆಯಲ್ಲಿ ದೇಗುಲ ಟ್ರಸ್ಟ್‌ನಿಂದ ಅವರನ್ನು ವಜಾ ಮಾಡಲಾಗಿದ್ದು, ಆ ಸ್ಥಾನಕ್ಕೆ ಆಂಧ್ರ ಪ್ರದೇಶ ಸರ್ಕಾರ ಸುಧಾಮೂರ್ತಿಯವರನ್ನು ನೇಮಿಸಿದೆ.