Grenade: ಐವರು ಶಂಕಿತ ಉಗ್ರರ ಬಳಿ ಸಿಕ್ಕಿದ್ದ 5 ಗ್ರೆನೇಡ್‌ ನಾಶ

ಬೆಂಗಳೂರು:  ರಾಜ್ಯ ರಾಜಧಾನಿಯನ್ನೇ ಬೆಚ್ಚಿ ಬೀಳಿಸಿದ್ದ ಐವರು ಶಂಕಿತ ಉಗ್ರರ ಬಂಧನ ಪ್ರಕರಣದಲ್ಲಿ  ಪತ್ತೆಯಾಗಿರುವ 5 ಗ್ರೆನೇಡ್‌ಗಳನ್ನು ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ದೊಡ್ಡಬಳ್ಳಾಪುರದ ನಿರ್ಜನ ಪ್ರದೇಶದಲ್ಲಿ ನಾಶ ಮಾಡಲಾಗಿದೆ.

ಗ್ರೆನೆಡ್‌ಗಳನ್ನು ನಾಶಪಡಿಸಲು ಸಿಸಿಬಿ ಪೊಲೀಸರು ನ್ಯಾಯಾಲಯದಿಂದ ಅನುಮತಿ ಪಡೆದಿದ್ದರು. ಅನುಮತಿ ಸಿಕ್ಕಿದ ಕೂಡಲೇ ಐಎಸ್‌ಡಿ ಅಧಿಕಾರಿಗಳ ಜೊತೆ ಸೇರಿ ಸಿಸಿಬಿ ಪೊಲೀಸರು ಗ್ರೆನೇಡ್‌ ನಾಶ ಮಾಡಿದ್ದಾರೆ.

ಏನಿದು ಪ್ರಕರಣ?: ಜು.9ರಂದು ಬೆಂಗಳೂರಿನ ಆರ್‌ಟಿ ನಗರ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ಐವರು ಉಗ್ರರನ್ನು ಬಂಧಿಸಿದ ಸಿಸಿಬಿ ಪೊಲೀಸರು, ಪಿಸ್ತೂಲ್, 4 ವಾಕಿಟಾಕಿ, ಫೋನ್‌, 5 ಜೀವಂತ ಗ್ರೆನೇಡ್‌ ಜಪ್ತಿ ಮಾಡಿದ್ದರು. ತನಿಖೆ ನಡೆಸಿದಾಗ ಬೆಂಗಳೂರಿನ ಭದ್ರಪ್ಪ ಲೇಔಟ್‌ನ ಮನೆಯ ರೂಮ್‌ ನಲ್ಲಿ 4 ಗ್ರೆನೇಡ್‌ ಬಟ್ಟೆಯಲ್ಲಿ ಸುತ್ತಿ ಬೀರುವಿನಲ್ಲಿ ಇಟ್ಟಿರುವುದು ಪತ್ತೆಯಾಗಿತ್ತು. 4 ಹ್ಯಾಂಡ್‌ ಗ್ರೆನೇಡ್‌ಅನ್ನು ಪ್ರಕರಣ ರೂವಾರಿ ಜುನೈದ್‌ ಪಾರ್ಸೆಲ್‌ ಕಳಿಸಿದ್ದ ಎನ್ನಲಾಗಿದೆ.