ಕಿದಂಬಿ ಶ್ರೀಕಾಂತ್‌ಗೆ ಡೆನ್ಮಾರ್ಕ್‌ ಓಪನ್‌ ಪ್ರಶಸ್ತಿ

ಒಡೆನ್ಸೆ (ಡೆನ್ಮಾರ್ಕ್‌): ಅದ್ಭುತ ಆಟದ ಪ್ರದರ್ಶನ ನೀಡಿದ ಭಾರತದ ಕಿದಂಬಿ ಶ್ರೀಕಾಂತ್‌ ಅವರು ಕೊರಿಯದ ಹಿರಿಯ ಆಟಗಾರ ಲೀ ಹ್ಯುನ್‌ ಅವರನ್ನು 21-10, 21-5 ಗೇಮ್‌ಗಳಿಂದ ಉರುಳಿಸಿ ಡೆನ್ಮಾರ್ಕ್‌ ಓಪನ್‌ ಬ್ಯಾಡ್ಮಿಂಟನ್‌ ಕೂಟದ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ. ಇದು ಅವರ ಮೂರನೇ ಸೂಪರ್‌ ಸೀರೀಸ್‌ ಬ್ಯಾಡ್ಮಿಂಟನ್‌ ಕೂಟದ ಪ್ರಶಸ್ತಿಯಾಗಿದೆ.

ತನಗಿಂತ 12 ವರ್ಷ ಹಿರಿಯ ಆಟಗಾರರಾದ ಹ್ಯುನ್‌ ಅವರೆದರು ಅಮೋಘವಾಗಿ ಆಡಿದ ಶ್ರೀಕಾಂತ್‌ ಕೇವಲ 25 ನಿಮಿಷಗಳಲ್ಲಿ ಉರುಳಿಸಿ ಸಂಭ್ರಮಿಸಿದರು. ವಿಶ್ವದ ಎಂಟನೇ ರ್‍ಯಾಂಕಿನ ಶ್ರೀಕಾಂತ್‌ 37ರ ಹರೆಯದ ಹ್ಯುನ್‌ ಅವರಿಗೆ ಯಾವುದೇ ಹಂತದಲ್ಲೂ ಮೇಲುಗೈ ಸಾಧಿಸಲು ಅವಕಾಶ ನೀಡಲಿಲ್ಲ.