ಡೆನ್ಮಾರ್ಕ್‌ ಓಪನ್‌ ಬ್ಯಾಡ್ಮಿಂಟನ್‌: ಭಾರತದ ಆಟ ಅಂತ್ಯ

ಒಡೆನ್ಸೆ (ಡೆನ್ಮಾರ್ಕ್‌): ಡೆನ್ಮಾರ್ಕ್‌ ಓಪನ್‌ ಬ್ಯಾಡ್ಮಿಂಟನ್‌ ಪಂದ್ಯಾವಳಿಯಲ್ಲಿ ಭಾರತದ ಸವಾಲು ಕೊನೆಗೊಂಡಿದೆ. ಗುರುವಾರದ ಪಂದ್ಯಗಳಲ್ಲಿ ಪಿ.ವಿ. ಸಿಂಧು, ಬಿ. ಸಾಯಿಪ್ರಣೀತ್‌, ಸಮೀರ್‌ ವರ್ಮ ಪರಾಭವಗೊಂಡರು.

ದ್ವಿತೀಯ ಸುತ್ತಿನ ಮುಖಾಮುಖೀಯಲ್ಲಿ ಪಿ.ವಿ. ಸಿಂಧು ಅವರನ್ನು ಕೊರಿಯಾದ ಅನ್‌ ಸೆ ಯಂಗ್‌ 21-14, 21-17 ನೇರ ಗೇಮ್‌ಗಳಲ್ಲಿ ಮಣಿಸಿದರು. ಸಾಯಿ ಪ್ರಣೀತ್‌ ಅವರನ್ನು ಜಪಾನಿನ ಕೆಂಟೊ ಮೊಮೊಟ 21-6, 21-14 ಅಂತರದಿಂದ ಹಿಮ್ಮೆಟ್ಟಿಸಿದರು. ಸಮೀರ್‌ ವರ್ಮ ಒಲಿಂಪಿಕ್‌ ಚಾಂಪಿಯನ್‌ ಚೀನದ ಚೆನ್‌ ಲಾಂಗ್‌ಗೆ ಶರಣಾದರು. ಡಬಲ್ಸ್‌ನಲ್ಲಿ ಸಾತ್ವಿಕ್‌-ಚಿರಾಗ್‌ ಕೂಡ ಪರಾಭವಗೊಂಡರು.