Dengue Case 216 ಮಂದಿಯಲ್ಲಿ ಡೆಂಗ್ಯೂ ದೃಢ: ಸೋಂಕಿತರ ಸಂಖ್ಯೆ 17ಸಾವಿರಕ್ಕೆ ಏರಿಕೆ

ಬೆಂಗಳೂರು: ರಾಜ್ಯದಲ್ಲಿ ಸೋಮವಾರ 216 ಮಂದಿಯಲ್ಲಿ ಡೆಂಗ್ಯೂ ದೃಢವಾಗಿದೆ. ಆ ಮೂಲಕ ಸೋಂಕಿತರ ಒಟ್ಟು ಸಂಖ್ಯೆ 17443ಕ್ಕೆ ಏರಿಕೆಯಾಗಿದೆ.

ಸತತ ಮೂರು ವಾರಗಳ ಬಳಿಕ‌ ಇದೇ ಮೊದಲ ಬಾರಿ ಡೆಂಗ್ಯೂ ಸಂಖ್ಯೆ ಇಳಿಕೆ ಕಂಡು ಬಂದಿದೆ. ಕಳೆದ 24ಗಂಟೆಯಲ್ಲಿ 409ಮಂದಿ ಸೋಂಕಿನಿಂದ ಗುಣಮಖರಾಗಿದ್ದಾರೆ.

ಆ ಮೂಲಕ ಗುಣಮುಖ ಹೊಂದಿದವರ ಸಂಖ್ಯೆ 14,622ಕ್ಕೆ ಏರಿಕೆಯಾಗಿದೆ. ರಾಜ್ಯಾದ್ಯಂತ 2,811 ಸಕ್ರೀಯ ಪ್ರಕರಣಗಳಿದ್ದು, ಅವರಲ್ಲಿ 2379 ಮಂದಿ ಮನೆಯಲ್ಲಿದ್ದಾರೆ. ಆಸ್ಪತ್ರೆ 432 ಚಿಕಿತ್ಸೆ ಪಡೆಯುತ್ತಿದ್ದು, ಅವರಲ್ಲಿ 75ಮಂದಿ ಐಸಿಯುನಲ್ಲಿದ್ದಾರೆ.

ಪ್ರಸ್ತುತ ಡೆಂಗ್ಯೂ ಮರಣ ಪ್ರಮಾಣ ಶೇ.0.05ರಷ್ಟಿದೆ. ಬಿಬಿಎಂಪಿ 80, ಮೈಸೂರು 22, ಧಾರವಾಡ 19, ರಾಮನಗರ, ಚಿಕ್ಕಬಳ್ಳಾಪುರ 12 ಪ್ರಕರಣಗಳು ವರದಿಯಾಗಿದೆ. ಯಾವುದೇ ಮರಣ ಪ್ರಕರಣ ದಾಖಲಾಗಿಲ್ಲ.