ಡೆಮಾಕ್ರಾಟ್‌ ಅಧ್ಯಕ್ಷೀಯ ಅಭ್ಯರ್ಥಿ ಬಿಡೆನ್ ಕನ್ನಡದಲ್ಲೂ ಪ್ರಚಾರ

ವಾಷಿಂಗ್ಟನ್‌: ಅಮೆರಿಕದ ಅಧ್ಯಕ್ಷ ಸ್ಥಾನಕ್ಕಾಗಿ ರಿಪಬ್ಲಿಕನ್‌ ಮತ್ತು ಡೆಮಾಕ್ರಾಟ್‌ ಪಕ್ಷಗಳ ನಡುವೆ ನಡೆಯುತ್ತಿರುವ ಚುನಾವಣ ಪ್ರಚಾರದಲ್ಲಿ ಈಗ ಕನ್ನಡದ ಕಂಪು ಮೂಡಿದೆ.

ಚುನಾವಣೆಯಲ್ಲಿ ನಿರ್ಣಾಯಕ ಪಾತ್ರ ವಹಿಸುವ ಭಾರತೀಯ- ಅಮೆರಿಕನ್‌ ಸಮುದಾಯವನ್ನು ಸೆಳೆಯಲು ಡೆಮಾಕ್ರಾಟ್‌ ಅಧ್ಯಕ್ಷೀಯ ಆಕಾಂಕ್ಷಿ ಜೋ ಬಿಡೆನ್‌ ಮುಂದಾಗಿದ್ದು, ಕನ್ನಡ ಸಹಿತ 14 ಭಾಷೆಗಳಲ್ಲಿ ಪ್ರಚಾರ ಕೈಗೊಳ್ಳಲು ತೀರ್ಮಾನಿಸಿದ್ದಾರೆ.

ಭಾರತದ ಪ್ರಾದೇಶಿಕ ಭಾಷೆಗಳಲ್ಲಿ ಪ್ರಚಾರ ಸರಕುಗಳನ್ನು ಬಳಸಲು ಬಿಡೆನ್‌ ತಂಡ ಆರಂಭಿಸಿದೆ.

ಈ ಭಾಷೆಗಳಲ್ಲಿ ಕನ್ನಡವೂ ಸೇರಿದೆ.ಕನ್ನಡ, ಹಿಂದಿ, ಪಂಜಾಬಿ, ತಮಿಳು, ತೆಲುಗು, ಬಂಗಾಳಿ, ಉರ್ದು, ಮಲಯಾಳ, ಒರಿಯಾ, ಮರಾಠಿ ಹಾಗೂ ನೇಪಾಳಿ ಭಾಷೆಯ ಮೂಲಕ ಮತದಾರರೊಂದಿಗೆ ಬಿಡೆನ್‌ ನೇರ ಸಂಪರ್ಕ ಸಾಧಿಸಲಿದ್ದಾರೆ.