ದಿಲ್ಲಿ ಬ್ಲೂ ಲೈನ್‌ ಮಟ್ರೋ ಹಳಿಯಲ್ಲಿ ವ್ಯಕ್ತಿ ಪ್ರತ್ಯಕ್ಷ : ರೈಲು ಓಡಾಟ ಬಾಧಿತ

ಹೊಸದಿಲ್ಲಿ : ದಿಲ್ಲಿಯ ಮೆಟ್ರೋ ಬ್ಲೂ ಲೈನ್‌ ನಲ್ಲಿ ದ್ವಾರಕಾ ಗೆ ಹೋಗುವಲ್ಲಿನ ಸೇವೆ ಇಂದು ಕೆಲ ಕಾಲ ಬಾಧಿತವಾಯಿತು. ತಿಲಕ್‌ ನಗರ ಸ್ಟೇಶನ್‌ ಸಮೀಪ ಹಳಿಯಲ್ಲಿ ವ್ಯಕ್ತಿಯೋರ್ವ ನಿಂತಿರುವುದು ಕಂಡುಬಂದದ್ದೇ ಇದಕ್ಕೆ ಕಾರಣವಾಯಿತು.

ರಾಜೀವ್‌ ಚೌಕದಿಂದ ದ್ವಾರಕಾಗೆ ಹೋಗುವ ಮಾರ್ಗದಲ್ಲಿನ ಮೆಟ್ರೋ ರೈಲು ಓಡಾಟ ಮಾತ್ರವೇ ಬಾಧಿತವಾಗಿದ್ದು ಉಳಿದೆಲ್ಲ ರೂಟುಗಳಲ್ಲಿ ಸೇವೆ ಯಥಾಸ್ಥಿತಿಯಲ್ಲಿವೆ ಎಂದು ದಿಲ್ಲಿ ಮೆಟ್ರೋ ರೈಲ್‌ ಕಾರ್ಪೊರೇಶನ್‌ (ಡಿಎಂಆರ್‌ಸಿ) ಟ್ವಿಟರ್‌ನಲ್ಲಿ ಹೇಳಿದೆ.

ತಿಲಕ್‌ ನಗರ ರೈಲು ಸ್ಟೇಶನ್‌ ಸಮೀಪದ ಮೆಟ್ರೋ ಹಳಿಯಲ್ಲಿ ವ್ಯಕ್ತಿ ಹೇಗೆ ಪ್ರತ್ಯಕ್ಷನಾದ ಎಂಬ ಬಗ್ಗೆ ಹೆಚ್ಚಿನ ಮಾಹಿತಿಗಳನ್ನು ಕಲೆ ಹಾಕಲಾಗುತ್ತಿದೆ ಎಂದು ಮೂಲಗಳು ತಿಳಿಸಿವೆ.