Delhi Man: ‌ಅಶ್ಲೀಲ ಚಿತ್ರ ತಾರೆಯಂತೆ ಬಟ್ಟೆ ಧರಿಸಲು ಪತ್ನಿಗೆ ಪತಿಯ ಬಲವಂತ: ದೂರು ದಾಖಲು

ನವದೆಹಲಿ: ಅಶ್ಲೀಲ ಸಿನಿಮಾ ವೀಕ್ಷಣೆಯ ವ್ಯಸನಿ ಪತಿರಾಯನೊಬ್ಬ ಪತ್ನಿ ಬಳಿ ಅಶ್ಲೀಲ ಚಿತ್ರ ವೀಕ್ಷಿಸುವಂತೆ ಬಲವಂತಪಡಿಸಿದ್ದಲ್ಲದೇ, ನೀಲಿಚಿತ್ರ ತಾರೆಯಂತೆ ಬಟ್ಟೆ ಧರಿಸುವಂತೆ ಸತಾಯಿಸುತ್ತಿದ್ದ ವ್ಯಕ್ತಿ ವಿರುದ್ಧ ದೆಹಲಿ ಪೊಲೀಸರು ಪ್ರಕರಣ ದಾಖಲಿಸಿರುವ ಘಟನೆ ನಡೆದಿದೆ.

ಇದನ್ನೂ ಓದಿ:ಮಂಗಳೂರು: ಕಟ್ಟಡದ ಮೇಲಿದ್ದ ಜಾಹೀರಾತು ಹೋರ್ಡಿಂಗ್ ಬಿದ್ದು 15  ವಾಹನಗಳಿಗೆ ಹಾನಿ

ತನ್ನ ಪತಿ ಅಶ್ಲೀಲ ಸಿನಿಮಾ ವೀಕ್ಷಣೆಯ ವ್ಯಸನಿಯಾಗಿರುವುದಾಗಿ ಪತ್ನಿ(30ವರ್ಷ) ಆರೋಪಿಸಿದ್ದು, ಈ ದಂಪತಿ 2020ರಲ್ಲಿ ವಿವಾಹವಾಗಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.

ಪೊಲೀಸರಿಗೆ ನೀಡಿರುವ ದೂರಿನ ಪ್ರಕಾರ, ತನ್ನ ಗಂಡ ಮತ್ತು ಆತನ ಕುಟುಂಬ ಸದಸ್ಯರು ವರದಕ್ಷಿಣೆ ತರುವಂತೆ ಒತ್ತಾಯಿಸುತ್ತಿದ್ದು, ದೈಹಿಕವಾಗಿ ಹಾಗೂ ಮಾನಸಿಕವಾಗಿ ಕಿರುಕುಳ ನೀಡಿರುವುದಾಗಿ ಆರೋಪಿಸಿದ್ದಾಳೆ.

ಮಂಗಳವಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪತಿ ಹಾಗೂ ಸಂಬಂಧಿಕರ ವಿರುದ್ಧ ಭಾರತೀಯ ದಂಡ ಸಂಹಿತೆ 498ಎ (ಕ್ರೌರ್ಯ), 406 (ವಿಶ್ವಾಸದ್ರೋಹ), 377 (ಅಸ್ವಾಭಾವಿಕ ಅಪರಾಧ) ಮತ್ತು ಸೆಕ್ಷನ್‌ 34ರ ಅಡಿ ದೂರು ದಾಖಲಿಸಿರುವುದಾಗಿ ಡೆಪ್ಯುಟಿ ಪೊಲೀಸ್‌ ಕಮಿಷನರ್‌ ರೋಹಿತ್‌ ಮೀನಾ ತಿಳಿಸಿದ್ದಾರೆ.