ದಿಲ್ಲಿ ಪಾರ್ಲಿಮೆಂಟ್‌ ಸ್ಟ್ರೀಟ್‌ ಬಹುಮಹಡಿ ಕಟ್ಟಡದಲ್ಲಿ ಬೆಂಕಿ; 50 ಮಂದಿ ಪಾರು

ಹೊಸದಿಲ್ಲಿ : ಇಲ್ಲಿನ ಪಾರ್ಲಿಮೆಂಟ್‌ ರಸ್ತೆಯಲ್ಲಿರುವ ಬಹು ಅಂತಸ್ತಿನ ಜೀವನ್‌ ದೀಪ್‌ ಕಟ್ಟಡದ ನಾಲ್ಕನೇ ಮಹಡಿಯಲ್ಲಿ ಇಂದು ಶುಕ್ರವಾರ ಸಂಜೆ ಬೆಂಕಿ ಕಾಣಿಸಿಕೊಂಡಿತು.

ನಾಲ್ಕನೇ ಮಹಡಿಯಲ್ಲಿರುವ ಸ್ಟೋರ್‌ ರೂಮ್‌ನಲ್ಲಿ ಬೆಂಕಿ ಕಾಣಿಸಿಕೊಂಡ ಸುದ್ದಿಯನ್ನು ತಿಳಿಯುತ್ತಲೇ ಏಳು ಅಗ್ನಿ ಶಾಮಕಗಳು ಧಾವಿಸಿ ಬಂದವು.

ಕಟ್ಟಡದಲ್ಲಿದ್ದವರ ಪೈಕಿ ಸುಮಾರು 50 ಜನರನ್ನು ತತ್‌ಕ್ಷಣವೇ ಹೊರ ತರಲಾಯಿತು. ಯಾರಿಗೂ ಯಾವುದೇ ಗಾಯಗಳಾಗಿಲ್ಲ; ಸಾವು ನೋವು ಆಗಿಲ್ಲ ಎಂದು ಅಗ್ನಿಶಾಮಕ ಮೂಲಗಳು ತಿಳಿಸಿವೆ.

ಬೆಂಕಿಯನ್ನು ನಂದಿಸುವ ಕೆಲಸ ಈಗಲೂ ಸಾಗುತ್ತಿದೆ ಎಂದು ತಿಳಿದು ಬಂದಿದೆ.