ದಿಲ್ಲಿ ಎನ್‌ಕೌಂಟರ್‌: 4 ಸಾವು

ನವದೆಹಲಿ: ರಾಷ್ಟ್ರ ರಾಜಧಾನಿ ದೆಹಲಿಯಲ್ಲಿ ಶನಿವಾರ ಮಧ್ಯಾಹ್ನ ನಡೆದ ಎನ್‌ಕೌಂಟರ್‌ವೊಂದರಲ್ಲಿ ವಾಂಟೆಡ್‌ ಕ್ರಿಮಿನಲ್‌ ರಾಜೇಶ್‌ ಭಾರ್ತಿ ಸೇರಿದಂತೆ ನಾಲ್ವರನ್ನು ಹತ್ಯೆಗೈಯ್ಯಲಾಗಿದೆ. ದೆಹಲಿ ಪೊಲೀಸರ ವಿಶೇಷ ಘಟಕವು ಈ ಎನ್‌ಕೌಂಟರ್‌ ನಡೆಸಿದೆ. ಕಾರ್ಯಾಚರಣೆಯಲ್ಲಿ 6 ಮಂದಿ ಪೊಲೀಸರು ಗಾಯಗೊಂಡಿದ್ದಾರೆ.

ಗ್ಯಾಂಗ್‌ ಸದಸ್ಯರು ಛತ್ತಾರ್‌ಪುರದ ತೋಟದ ಮನೆಯೊಂದಕ್ಕೆ ಆಗಾಗ್ಗೆ ಬರುತ್ತಿರುತ್ತಾರೆ ಎಂಬ ಸುಳಿವು ಸಿಕ್ಕ ಹಿನ್ನೆಲೆಯಲ್ಲಿ ಕಳೆದ 2ರಿಂದ 3 ತಿಂಗಳಿಂದಲೂ ಪೊಲೀಸರು ಈ ಮನೆಯ ಮೇಲೆ ಕಣ್ಣಿಟ್ಟಿದ್ದರು. ಮೃತರಲ್ಲಿ ಭಾರ್ತಿ ಮತ್ತು ವಿದ್ರೋಹ್‌ ಎಂಬುವವರನ್ನು ಹಿಡಿದುಕೊಟ್ಟವರಿಗೆ ಬಹುಮಾನ ಘೋಷಿಸಲಾಗಿತ್ತು.