ಮಯಾಮಿ ಓಪನ್‌ ಟೆನಿಸ್‌ ಹಿಂದೆ ಸರಿದ ಡೆಲ್‌ ಪೊಟ್ರೊ

ಇಂಡಿಯನ್‌ ವೆಲ್ಸ್‌: ಸದ್ಯ ಸಾಗುತ್ತಿರುವ “ಮಯಾಮಿ ಓಪನ್‌’ ಕೂಟದಿಂದ ಆಜೇìಂಟಿನಾದ ಟೆನಿಸಿಗ ಜುವಾನ್‌ ಮಾರ್ಟಿನ್‌ ಡೆಲ್‌ ಪೊಟ್ರೊ ಹಿಂದೆ ಸರಿದಿದ್ದಾರೆ.

ಗಂಟು ನೋವು ವಾಸಿಯಾಗದ ಕಾರಣ ಮಯಾಮಿ ಕೂಟದಿಂದ ಹೊರಗುಳಿಯಲು ನಿರ್ಧರಿಸಿದ್ದಾಗಿ ಡೆಲ್‌ ಪೊಟ್ರೊ ಟ್ವಿಟರ್‌ ಮೂಲಕ ಅಭಿಮಾನಿಗಳಿಗೆ ತಿಳಿಸಿದ್ದಾರೆ.”ಈ ವರ್ಷ ಮಯಾಮಿ ಓಪನ್‌ ಕೂಟದಲ್ಲಿ ಸ್ಪರ್ಧಿಸಲು ಸಾಧ್ಯವಾಗುತ್ತಿಲ್ಲ. 2020ರ ಕೂಟದಲ್ಲಿ ಮತ್ತೆ ಕಾಣಿಸಿಕೊಳ್ಳಲು ಉತ್ಸುಕನಾಗಿದ್ದೇನೆ’ ಎಂದಿದ್ದಾರೆ.

ಗಂಟು ನೋವಿನಿಂದಾಗಿ ಈ ವಾರ ಕೊನೆಗೊಂಡ ಇಂಡಿಯನ್‌ ವೆಲ್ಸ್‌ ಸೇರಿದಂತೆ ವರ್ಷಾರಂಭದ “ಆಸ್ಟ್ರೇಲಿಯನ್‌ ಓಪನ್‌’ ಕೂಟದಲ್ಲೂ ಡೆಲ್‌ ಪೊಟ್ರೊ ಸ್ಪರ್ಧಿಸಿರಲಿಲ್ಲ.