ನಾಯಿಗಳಿಂದ ಪಾರಾಗಲು ಗುಡ್ಡದಿಂದ ಮನೆ ಮೇಲೆ ಜಿಗಿದ ಜಿಂಕೆ: ತಂದೆ-ಮಗಳಿಗೆ ಗಾಯ

ಚಿಕ್ಕಮಗಳೂರು: ನಾಯಿಗಳಿಂದ‌ ಪಾರಾಗಲು ಜಿಂಕೆಯೊಂದು ಗುಡ್ಡದ  ಮೇಲಿಂದ ಮನೆ ಮಾಡಿನ ಮೇಲೆ ಜಿಗಿದ ಪರಿಣಾಮ ಮನೆಯ ಹೆಂಚು ಒಡೆದು, ತಂದೆ -ಮಗಳಿಗೆ ಗಾಯವಾದ ಘಟನೆ ಮೂಡಿಗೆರೆ ತಾಲೂಕಿನ ನಿಡುವಾಳೆ ಗ್ರಾಮದಲ್ಲಿ ನಡೆದಿದೆ.

ನಾಯಿಗಳು ಅಟ್ಟಾಡಿಸಿಕೊಂಡು ಬಂದ ಪರಿಣಾಮ ಭಯಭೀತವಾಗಿದ್ದ ಜಿಂಕೆ ಗುಡ್ಡದಿಂದ ಮನೆಯ ಮೇಲೆ ಜಿಗಿದಿತ್ತು . ಈ ವೇಳೆ ರೂಪಿಂಗ್ ಮುರಿದು ಬಿದ್ದು ಅಡುಗೆ ಕೋಣೆಯಲ್ಲಿದ್ದ ತಂದೆ – ಮಗಳಿಗೆ ಗಾಯವಾಗಿದೆ.

ಗಾಯಾಳುಗಳಿಗೆ ಮೂಡಿಗೆರೆ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಸ್ಥಳಕ್ಕೆ ಮೂಡಿಗೆರೆ ಅರಣ್ಯಧಿಕಾರಿಗಳು ಭೇಟಿ ನೀಡಿ  ಪರಿಶೀಲನೆ  ನಡೆಸುತ್ತಿದ್ದಾರೆ.