ಗೆಹ್ರಿಯಾನ್‌ನಲ್ಲಿ ನನ್ನ ಪಾತ್ರ ಕುಟುಂಬಕ್ಕೇ ಹಿಡಿಸಿಲ್ಲ: ನಟಿ ದೀಪಿಕಾ ಪಡುಕೋಣೆ

“ಗೆಹ್ರಿಯಾನ್‌’ ಸಿನಿಮಾದಲ್ಲಿ ಬೋಲ್ಡ್‌ ಆಗಿ ಕಾಣಿಸಿಕೊಂಡಿರುವ ನಟಿ ದೀಪಿಕಾ ಪಡುಕೋಣೆಯವರ ಪಾತ್ರವನ್ನು ಸ್ವತಃ ಅವರ ಪೋಷಕರೇ ಇಷ್ಟ ಪಟ್ಟಿಲ್ಲವಂತೆ. ಈ ವಿಚಾರವನ್ನು ನಟಿ ಮಾಧ್ಯಮಗಳೆದುರು ಹೇಳಿಕೊಂಡಿದ್ದಾರೆ.

“ವೈಯಕ್ತಿಕವಾಗಿ ನನ್ನ ಪೋಷಕರಿಗೆ ಆ ಪಾತ್ರ ಇಷ್ಟವಾಗಲಿಲ್ಲ. ಆದರೆ ನನ್ನ ಅಭಿನಯದ ಬಗ್ಗೆ ಖುಷಿ ಪಟ್ಟಿದ್ದಾರೆ’ ಎಂದು ಹೇಳಿದ್ದಾರೆ.

ಗೆಹ್ರಿಯಾನ್‌ನಲ್ಲಿ ದೀಪಿಕಾ ಯೋಗಾ ಟ್ರೈನರ್‌ ಆಗಿದ್ದು, ತನ್ನ ಪ್ರಿಯತಮನಿಗೇ ಮೋಸ ಮಾಡಿ, ಸೋದರ ಸಂಬಂಧಿಯ ಭಾವಿ ಪತಿಯನ್ನೇ ಪ್ರೀತಿ ಮಾಡುವ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.