ಕಾವ್ಯ ಮಲ್ಲಿಗೆ: ದೀಪ –ದೇವ ರೂಪ

ದೀಪ – ದೇವ ರೂಪ..

ಅಗ್ನಿ ಸ್ಪರ್ಶ ತಾಗಿ ಬೆಳಗಿ

ತನ್ನ ತಾನು ಉರಿದುಕೊಂಡು

ಅಂಧಕಾರ ದೂರ ಮಾಡಿ

ಬೆಳಕ ಚೆಲ್ಲಿ ನಲಿವ ದೀಪ |

ನೊಂದು ಬೆಂದು ನೋವನುಂಡು

ತಾನು ಕತ್ತಲಲ್ಲಿ ನಿಂದು

ಪರರ ಬಾಳಿಗೆ ಬೆಳಕು ತೋರಿ

ಜ್ಞಾನ ನೀಡಿ ಕಾಯುವ ದೀಪ |

ರವಿಯು ನೀಡುವ ಬೆಳಕ ಹೋಲುವ

ಚಂದ್ರನಂತೆ ತಂಪು ಕೊಡುವ

ಹಗಲು ಇರುಳು ಭೇದವಿರದೆ

ಬಿಡದೆ ಬೆಳಗಿ ನಲಿವ ದೀಪ |

ದೇವ ಜ್ಯೋತಿಯಾಗಿ ಬೆಳಗಿ

ಜಗದ ತಮವ ದೂರ ಮಾಡಿ

ಜಾತಿ ಮತದ ಸೋಂಕು ಇರದ

ಪ್ರಾಣ ರೂಪ ದೇವ ದೀಪ |

 

ಶ್ರೀಧರಯ್ಯ ಉಬ್ಬಲಗಂಡಿ

ವರ್ತೂರು, ಬೆಂಗಳೂರು