Diesel: ದೇಶದಲ್ಲಿ ಡೀಸೆಲ್‌ ಮಾರಾಟ ಕುಸಿತ

ನವದೆಹಲಿ: ಸೆಪ್ಟೆಂಬರ್‌ ತಿಂಗಳ ಮೊದಲ ಹದಿನೈದು ದಿನಗಳಲ್ಲಿ ದೇಶದಲ್ಲಿ ಡೀಸೆಲ್‌ ಮಾರಾಟ ಕುಸಿತ ಕಂಡಿದೆ. ಸತತ ಎರಡನೇ ತಿಂಗಳು ಈ ರೀತಿ ಕುಸಿತ ಮುಂದುವರಿದಿದೆ. ಮಳೆ ಕೊರತೆಯಿಂದಾಗಿ ಕೃಷಿ ಚಟುವಟಿಕೆಗಳು ತಗ್ಗಿರುವುದು ಹಾಗೂ ದೇಶದ ಕೆಲವು ಭಾಗಗಳಲ್ಲಿ ಕೈಗಾರಿಕಾ ಚಟುವಟಿಕೆಗಳು ಕಡಿಮೆಯಾಗಿರುವುದು ಡೀಸೆಲ್‌ಗೆ ಬೇಡಿಕೆ ತಗ್ಗಲು ಕಾರಣವಾಗಿದೆ.

ಸೆ.1ರಿಂದ ಸೆ.15ರವರೆಗೆ ಡೀಸೆಲ್‌ ಬೇಡಿಕೆಯು ಶೇ.5.8ರಷ್ಟು ಕುಸಿದಿದೆ. ಈ ಅವಧಿಯಲ್ಲಿ ಒಟ್ಟು 27.2 ಲಕ್ಷ ಟನ್‌ಗಳ ಡೀಸೆಲ್‌ ಮಾರಾಟವಾಗಿದೆ. ಇದೇ ವೇಳೆ ದೇಶದಲ್ಲಿ ಡೀಸೆಲ್‌ ಬಳಕೆಯು ಈ ವರ್ಷದ ಏಪ್ರಿಲ್‌ನಲ್ಲಿ ಶೇ.6.7ರಷ್ಟು ಹಾಗೂ ಮೇ ನಲ್ಲಿ ಶೇ.9.3ರಷ್ಟು ಕುಸಿತ ಕಂಡಿದೆ ಎಂದು ಸರ್ಕಾರದ ದತ್ತಾಂಶದಿಂದ ತಿಳಿದುಬಂದಿದೆ.