ಅಫ್ಘಾನಿಸ್ಥಾನದಿಂದ ಗಮನಾರ್ಹ ಪ್ರಮಾಣದ ಅಮೆರಿಕ ಸೇನೆ ಹಿಂದಕ್ಕೆ:ಟ್ರಂಪ್

ವಾಷಿಂಗ್ಟನ್‌ : ಅಫ್ಘಾನಿಸ್ಥಾನದಲ್ಲಿ ಕಾರ್ಯಾಚರಣೆ ನಿರತವಾಗಿರುವ ಅಮೆರಿಕ ಸೇನಾ ಪಡೆಯನ್ನು ಗಮನಾರ್ಹ ಪ್ರಮಾಣದಲ್ಲಿ ಸ್ವದೇಶಕ್ಕೆ ಕರೆಸಿಕೊಳ್ಳುವ ನಿರ್ಧಾರವನ್ನು ಅಧ್ಯಕ್ಷ ಡೊನಾಲ್ಡ್‌ ಟ್ರಂಪ್‌ ತೆಗೆದುಕೊಂಡಿದ್ದಾರೆ ಎಂದು ಅಮೆರಿಕದ ಹಿರಿಯ ಅಧಿಕಾರಿ ಹೇಳಿದ್ದಾರೆ.

ಸಿರಿಯ ದಿಂದ ಸೇನೆಯನ್ನು ಹಿಂದಕ್ಕೆ ಕರೆಸಿಕೊಳ್ಳುವ ನಿರ್ಧಾರ ಪ್ರಕಟಗೊಂಡ ಮರುದಿನವೇ ಈ ವಿದ್ಯಮಾನ ನಡೆದಿರುವುದು ಗಮನಾರ್ಹವಾಗಿದೆ.

“ಅಧ್ಯಕ್ಷರು ನಿರ್ಧಾರ ತೆಗೆದುಕೊಂಡಿದ್ದಾರೆ. ಅಫ್ಘಾನಿಸ್ಥಾನದಿಂದ ಗಮನಾರ್ಹ ಪ್ರಮಾಣದ ಅಮೆರಿಕನ್‌ ಸೇನೆಯನ್ನು ಹಿಂದಕ್ಕೆ ಕರೆಸಿಕೊಳ್ಳಲಾಗುವುದು’ ಎಂದು ಹೆಸರು ತಿಳಿಸಬಯಸದ ಅಧಿಕಾರಿ ತಿಳಿಸಿದರು.