ಡಿ. 19ರಂದು ಹುಟ್ಟೂರಿಗೆ ಶ್ರೀಗಳ ಕೊನೆಯ ಭೇಟಿ

ಕಡಬ: ಶ್ರೀ ವಿಶ್ವೇಶತೀರ್ಥರು ಡಿ. 19ರಂದು ಹುಟ್ಟೂರು ರಾಮಕುಂಜದ ಸಂಸ್ಕೃತ ಶಾಲೆಯ ವಾರ್ಷಿಕೋತ್ಸವಕ್ಕೆ ಆಗಮಿಸಿ ಆಶೀರ್ವಚನ ನೀಡಿದ್ದು, ಅದುವೇ ಹುಟ್ಟೂರಿಗೆ ಅವರ ಕೊನೆಯ ಭೇಟಿಯಾಯಿತು. ಮರುದಿನ (ಡಿ. 20) ಬೆಳಗ್ಗೆ ಅವರು ಅನಾರೋಗ್ಯಕ್ಕೀಡಾಗಿ ಆಸ್ಪತ್ರೆಗೆ ದಾಖಲಾಗಿದ್ದರು.

ಹುಟ್ಟೂರಿನ ಮೇಲೆ ಅವರಿಗೆ ಎಲ್ಲಿÉಲ್ಲದ ಪ್ರೀತಿ. ಅಲ್ಲಿ ವಿದ್ಯಾಸಂಸ್ಥೆಗಳನ್ನು ಪ್ರಾರಂಭಿಸಿ ರಾಮಕುಂಜವನ್ನು ವಿದ್ಯಾಕುಂಜವನ್ನಾಗಿಸಿದವರು ಅವರು. ಇಲ್ಲಿನ ಶ್ರೀ ರಾಮಕುಂಜೇಶ್ವರ ಸಂಸ್ಕೃತ ಹಿ.ಪ್ರಾ. ಶಾಲೆಯಲ್ಲಿ 2 ವರ್ಷಗಳ ಕಾಲ ವಿದ್ಯಾಭ್ಯಾಸವನ್ನೂ ಮಾಡಿದ್ದರು. ಆಗ ಅವರು ದೇವಸ್ಥಾನದ ವಠಾರದಲ್ಲಿನ ಚಪ್ಪಡಿ ಕಲ್ಲಿನ ಮೇಲೆ ಕುಳಿತುಕೊಳ್ಳುತ್ತಿದ್ದರು ಎನ್ನುವ ಕಾರಣಕ್ಕೆ ಆ ಕಲ್ಲನ್ನು ಇಂದಿಗೂ ಹಾಗೆಯೇ ಉಳಿಸಿಕೊಳ್ಳಲಾಗಿದೆ.