ಕಟ್ಟಡದಿಂದ ಬಿದ್ದು ಸೆಕ್ಯೂರಿಟಿ ಗಾರ್ಡ್‌ ಸಾವು

ಬೆಂಗಳೂರು: ಕಟ್ಟಡದ 3ನೇ ಮಹಡಿಯಿಂದ ಬಿದ್ದು ಸೆಕ್ಯೂರಿಟಿ ಗಾರ್ಡ್‌ ಮೃತಪಟ್ಟ ಘಟನೆ ಕಮರ್ಷಿಯಲ್‌ ಸ್ಟ್ರೀಟ್‌ ಠಾಣೆ ವ್ಯಾಪ್ತಿಯಲ್ಲಿ ಭಾನುವಾರ ರಾತ್ರಿ ನಡೆದಿದೆ. ಎಸ್‌.ಎ.ಗಿರಿ (45) ಮೃತರು. ಗಿರಿ ಅವರಿಗೆ ವಿವಾಹವಾಗಿದ್ದು, ಪುತ್ರಿ ಇದ್ದಾಳೆ. 15 ವರ್ಷಗಳಿಂದ ಗಿರಿ ಇನ್ಪೆಂಟ್ರಿ ರಸ್ತೆಯ ಸುಲ್ತಾನ ಮಸೀದಿ ಬಳಿ ಇರುವ ಇನ್ಪೆಂಟ್ರಿ ಕೋಟ್‌ ಕಟ್ಟಡದ ಭದ್ರತಾ ಸಿಬ್ಬಂದಿಯಾಗಿದ್ದರು.

ಕುಟುಂಬ ಕಟ್ಟಡದಲ್ಲಿಯೇ ವಾಸವಾಗಿತ್ತು. ಭಾನುವಾರ ರಾತ್ರಿ 9 ಗಂಟೆ ಸುಮಾರಿಗೆ 3ನೇ ಮಹಡಿಗೆ ತೆರಳಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಆತ್ಮಹತ್ಯೆಗೆ ನಿಖರ ಕಾರಣ ತಿಳಿದಿಲ್ಲ ಎಂದು ಪೊಲೀಸರು ಹೇಳಿದರು. ಪ್ರಕರಣ ಕಮರ್ಷಿಯಲ್‌ ಸ್ಟ್ರೀಟ್‌ ಠಾಣೆಯಲ್ಲಿ  ದಾಖಲಾಗಿದೆ.